सचिन रानाभाट
लेखनाथ । लेखनाथ उद्योग वाणिज्य संघको इतिहासमै पहिलोपटक महिला पदाधिकारीको रुपमा निर्वाचित भएर नाम दर्ज गराउन सफल जानुका पराजुली अधिकारीले आसन्न १४ औं महाधिवेशनमा महासचिव पदमा उम्मेदवारी दिने मनसाय व्यक्त गरेकी छन् ।
एक कार्यकाल कार्यसमिति सदस्य एवं तालिम संयोजक, एक कार्यकाल कोषाध्यक्ष तथा बर्तमान उपमहासचिव समेत रहेकी पराजुली अधिकारीले उद्योगी व्यवसायीहरुको चाहना अनुरुप नै आफूले महासचिव पदमा उम्मेदवारी प्रस्तुत गर्न लागेको बताइन् ।
‘व्यावसायिक नेतृत्वमा लैंगिक समानता आजको आवश्यकता लाई आत्मसाथ गर्दै आर्थिक रुपमा पछि परेका र पारिएका वर्गलाई व्यवसायको माध्यमबाट आर्थिक समृद्धि हासिल गर्ने लक्ष्य रहेको छ।’ – उनि भन्छिन।
होराइजन कटेज एन्ड रेस्टुरेन्टकि सञ्चालक पराजुली अधिकारीले पपुलेसन, जेन्डर एन्ड डेभलपमेन्ट स्टडिजमा मास्टर्स तथा एलएलबि समेत गरेकी छन् । त्यस्तै उद्यमशीलता विकास सहजकर्ता, सामुदायिक मेलमिलाप सहजकर्ता, सामाजिक परिचालक संयोजक लगायत बिभिन्न क्षेत्रमा उनको विज्ञता रहेको छ।
Discussion about this post