लेखनाथ, ४ साउन । पोखरा महानगरपालिका वडा नं २६ को सक्नेरी स्थीत मिलिजुली मार्गको बिहिबार एक कार्यक्रमका विच उद्घाटन गरिएको छ । पोखरा महानगरपालिका वडा नं. २६ का अध्यक्ष नरेन्द्र थापाले नवनिर्मित बाटोको उद्घाटन गरेका हुन ।
बाटोको उद्घाटन गर्दै वडाध्यक्ष थापाले वडावासीको ईच्छा र चाहान अनुरुप योजनालाई पहिलो प्रथामिकतामा राख्दै वडा नं २६ लाई नमुना वडा बनाउने उदेस्यका साथ आफु अगाडी वढेको र यो अभियानमा सवैको साथ र सहयोगको आवश्यकता रहेको वताएका थिए ।
वडा नं. २६ मा विकासले फड्को मारेको दावी गर्दै वडाध्यक्ष थापाले कतिपय क्षेत्रमा यहि वर्षभित्र हुन नसकेको कामहरु क्रमश आगामी वर्षहरुमा गरिने वताउँदै यसको लागी धैर्य गर्न आग्रह गरे । उनले ५ वर्षभित्र भौतिक विकासका कार्यहरुलाई सम्पन्न गरी शिक्षा र कृषि क्षेत्रमा पनि उल्लेख्य कार्यहरु गर्ने आफ्नो योजना रहेको उनले वताए ।
कार्यक्रममा बाटो निर्माण समितिका अध्यक्ष खेमप्रसाद भण्डारीले सवैको साथ र सहयोगले बाटो निर्माण कार्य सफल भएको र आगामी दिनमा पनि यस मिलिजुली टोलको विकासका लागि नाम अनुसार कै काम गरेर देखाउनु पर्ने धारणा राखेका थिए ।
सोही अवसरमा पोखरा महानगरपालिका वडा नं २६ का वडासदस्य तिर्थ बहादुर राजभाटले विगतका बर्षमा सरकारको लगानी वालुवामा पानी भए जस्तो हुने गरे पनि आफुहरुले वडाको जिम्मेवारी सम्हाले पछि दिर्घकालीन योजनालाई प्राथमिकतामा राख्दै गत आर्थीक वर्षमा करिव १७ करोड रुपियाँ हाराहारीमा काम भएको जानकारी गराएका थिए ।
वडाको विनियोजनमा पोखरा महानगरपालिकाको ३० लाख र स्थानीय जनसहभागीतामार्फत ५ लाख २९ हजार ५ सय गरी कुल ३५ लाख २९ हजार ५ सयको लागतमा पक्की ढलान वाटो निर्माण सम्पन्न भएको हो । नवनिर्मित बाटोको लम्बाई ३ सय ३२ मिटर, चौडाई ६ मिटर रहेको छ भने ८३ मिटर नाला समेत निर्माण गरिएको छ ।
मिलिजुली बाटो निर्माण उपभोत्ता समितिका अध्यक्ष खेमप्रसाद भण्डारीको अध्यक्षतामा भएको कार्यक्रममा अनुगमन समितिका संयोजक अनन्त प्रसाद कोईरालाले बाटोको गुणस्तरियताको विषयमा बोलेका थिए भने कोषाध्यक्ष सर्जा रानाभाटले आय ब्यय सहितको विवरण प्रस्तुत गरेकी थिईन । कार्यक्रमको सञ्चालन सचिव हरिभक्त अधिकारीले गरेका थिए ।
Discussion about this post