पोखरा –
पोखरा फोटोग्राफर संघ पोखरा नेपालले आयोजना गरेको रक्तदानमा ६० युनिट रगत संकलन भएको छ ।
संघका अध्यक्ष रामचन्द्र पोख्रेलको अध्यक्षतामा भएको कार्यक्रममा पोखरा उद्योग वाणिज्य संघका अध्यक्ष पवनकुमार प्रजापतिले ६३ औं पटक रक्तदान गरेका संस्थाका संरक्षक एवं अक्षयकोष दाता गणेश छविलाई ब्लडब्याग हस्तान्तरण गरी शुभारम्भ गरे ।
४२ औं फोटोग्राफी दिवसका अवसरमा विविध कार्यक्रम गरेको संघले बुधबार रक्तदान गरेको हो ।
कार्यक्रममा अक्षयकोषदाता गणेश छबि, तीर्थ श्रेष्ठ, फोटोग्राफर संघ गण्डकीका अध्यक्ष दुर्गाप्रसाद पौडेल, प्रतिभा छनोट समितिका संयोजक घनश्याम पौडेल लगायतले बोलेका थिए ।
रक्तदान कार्यक्रम संयोजक हरिशरण ढुंगाना रहेका थिए भने सञ्चालन संघका सचिव देवानन्द पोख्रेलले गरेका थिए ।
Discussion about this post