पोखरा। राष्ट्रिय विभूति आदिकवि भानुभक्तको २१० औं जन्मजयन्ती पोखरामा विविध कार्यक्रम गरी मनाइएको छ ।
भानु वाङमय प्रतिष्ठान पोखराले शुक्रबारले शुक्रबार बिहान प्रभातफेरीसहित विविभ कार्यक्रम गरेको छ ।
चिप्लेढुंगाबाट सुरु भएको ¥याली महेन्द्रपुल, रानीपौवा, हुँदै फूलबारीस्थित भानुपार्कमा पुगेर समारोहमा परिणत भएको थियो ।
कार्यक्रममा पोखरा महानगरपालिकाका मेयर धनराज आचार्यले भानुको शालिकमा माल्याल्र्पण गरे । पृथ्वीनारायण क्याम्पसबाट स्नातकोत्तर तह नेपाली विषयमा सर्वोत्कृष्ट अंक ल्याउन मीलनकुमारी नेपालीलाई उक्त अवसरमा भानु वाङमय पुरस्कार २०८० प्रदान गरिएको छ ।
पर्यटन व्यवसायी गणेशबहादुर भट्टराईले स्थापना गरेको पुरस्कार प्रतिष्ठानले सञ्चालन गर्दै आएको छ ।
कार्यक्रममा साहित्यकार, शिक्षक, विद्यार्थी, समाजका लब्ध प्रतिष्ठित व्यक्तिहरु, सुरक्षाकर्मी लगायत सहभागी थिए।
Discussion about this post