रोटरी क्लव लेखनाथको वृक्षरोपण

लेखनाथ।
आफ्नो घर आँगनको वातारवरण स्वच्छ राखौं भन्ने नाराका साथ रोटरी क्लब अफ लेखनाथले पोखरा – २९ मा वृक्षरोपण सम्पन्न गरेको छ । क्लबले आफ्नो सामाजिक उत्तरदायित्व कार्यक्रम अन्तर्गत पोखरा २९ को नवदुर्गा आधारभूत विद्यालय परिसरमा विभिन्न जातका फलफूलका बिरुवा लगाएको हो ।
विद्यालय परिसरमा बिरुवा लगाउँदै पोखरा २९ का वडा सदस्य क्षेत्रबहादुर गुरुङले विश्वमा बढ्दै गएको वातावरणीय समस्यलाई मध्यनजर राख्दै वृक्षरोपण अभियानका रुपमा नयाँ घर बनाउने वडावासीले आफ्नो घर अगाडि बिरुवा रोप्नै पर्ने नियम बनाउन लागेको बताए ।

क्लबका अध्यक्ष रामप्रसाद आचार्यको अध्यक्षतामा भएको कार्यक्रममा विद्यालय व्यवस्थापन समितिका अध्यक्ष वीरबहादुर गुरुङ, क्लबका पूर्व अध्यक्ष शिवमणि भण्डारी र क्लबका सचिव माधवप्रसाद बराललगायतले बोलेका थिए ।