असार २५, लेखनाथ
पोखरा महानगरपालिकाले पृथ्वी राजमार्गको दायाँ बायाँ मापदण्ड मिचेर बनाइएका संरचना भत्काउन सुरु गरेको छ । मुग्लिन सडक विस्तार गर्नका लागि साइट क्लियर गरिदिन पोखरा महानगर पालिकाले सोमबार बाट डोजर लगाएको हो ।
सोमबार पृथ्वीचोकदेखि विजयपुर खोलासम्म सडक दायाँ-बायाँको संरचनामा डोजर लगाएर भत्काइदै छ ।
एसियाली विकास बैंक (एडिबी) को ऋण सहयोगमा पृथ्वी राजमार्ग अन्तर्गत पोखरा–मुग्लिन सडक खण्ड बिस्तार गरी डेडिकेट ४ लेको बनाइँदैछ। सडक विभागको मापदण्ड अनुसार पोखरा खण्ड ४६ मिटर चौडाइ हुनेछ। उक्त साइट क्लियर पार्न डोजर लगाईएको हो ।
चिनिया ठेकेदारले बाटो बनाउने काम गरिरहेको छ । सम्झौता गर्ने बेलामा सडकको साईट नेपाल सरकारले क्लियर गरिदिनु पर्नेछ । सोही अनुसार पोखरा महानगरले आफ्नो पालिकामा पर्ने सडकको मापदण्ड अनुसारको साईट क्लियर गर्न सुरु गरेको पोखरा महानगरका मेयर धनराज आचार्यले जानकारी दिए ।
Discussion about this post