लेखनाथ, २३ असार । लेखनाथ सामुदायीक सेवा केन्द्र एवं प्रहरी सेवाले शनिवार वृहत सरसफाई एवं वृक्षारोपण कार्यक्रम सम्पन्न गरेको छ । केन्द्रको नवनिर्मित भवन प्राङ्गणमा वृक्षारोपण गरी शुरु भएको कार्यक्रम राजमार्ग छेउछाउ सरसफाई गर्दै तालचोकमा पुगी सम्पन्न भएको हो ।
वृक्षारोपण कार्यक्रममा आँप, अशोक धुपी लगायतका विभिन्न जातका वृक्षहरु रोपीएको थियो । कार्यक्रमको शुभारम्भ गर्दै सामुदायीक सेवा केन्द्र जिल्ला समन्वय समिति कास्कीका बरिष्ठ उपाध्यक्ष ज्ञानेन्द्र बजगाईले लेखनाथ सामुदायीक सेवा केन्द्रले प्रभावकारी रुपमा विभिन्न सामाजीक कार्यहरु गर्नुका साथै विभिन्न किसिमका विकृती विसंगतीहरु हटाउन नमुनायोग्य कार्यहरु गरेकोमा प्रशंसा गरेका थिए
यस्तै केन्द्रका संस्थापक अध्यक्ष मोती गिरीले विभिन्न प्लाष्टिकजन्य फोहोरहरुका कारण बजार कुरुप बन्दै गएको र आगामी दिनमा प्रदुषणका कारण मानिसले साथमा अक्सिजन बोकेर हिड्नुपर्ने अवस्था आउन सक्ने भएकाले वातावरण स्वच्छ सफा राख्नका लागी सबै सचेत बन्नुपर्ने वताएका थिए ।
उक्त अवसरमा ईलाका प्रहरी कार्यालय डाँडाको नाकका ईन्सपेक्टर प्रहरी निरीक्षक भगवान थापाले सरसफाईका कार्यहरु बेला बेला मात्र नभएर नियमित गर्नुपर्ने र आफ्नो ठाउँ आफैं सफा गर्ने भावना सबैमा जागृत हुनुपर्ने वताएका थिए । यस्ता कार्यक्रमहरुले समुदाय र प्रहरीको सम्बन्ध सुमधुर बनाउन महत्वपुर्ण भुमिका खेल्नुपर्ने वताएका थिए ।
कार्यक्रममा ट्राफीक प्रहरी कार्यालय डाँडाको नाकका प्रमुख जित बहादुर केसी, केन्द्रका निवर्तमान अध्यक्ष त्रिलोचन लामिछाने, प्रहरी, स्थानीयवासी लगायतको उपस्थीती रहेको थियो । संस्थाका अध्यक्ष कृष्णप्रसाद अधिकारीको अध्यक्षतामा सम्पन्न कार्यक्रमको सञ्चालन सचिव केशवराज तिवारीले गरेका थिए ।
Discussion about this post