लेखनाथ, २१ असार । लेखनाथ उद्योग बाणिज्य संघका प्रथम उपाध्यक्ष तथा हाडवयर ब्यवसायि राजेन्द्र ओझाले आफनो जन्मोत्सवका अवसरमा जेष्ठ नागरिक समाज शिसुवालाई सहयोग गरेका छन् ।
जन्मोत्सवमा गरिने फजुल खर्च र उद्योग बाणिज्य संघबाट विभिन्न कार्यक्रममा जादाँ पाएको भत्ताको रकमलाई संकलन गरि ओझाले जेष्ठ नागरिक समाजलाई एक थान दराज र कोडियम सहयोग गरेका हुन् ।
हरेक वर्षको जन्मोत्सवमा केही न केही सामाजिक कार्य गर्दै आएका ओझाले यस पटक पोखरा ३० को शिसुवामा रहेको जेष्ठ नागरिक समाजको अनुरोधमा स्टील दराज र पोडियम सहयोग गरेका हुन् ।
कार्यक्रममा बोल्दै ओझाले दिएर गरिव र नदिएर कोही पनि धनी नहुने तर्क राख्दै जन्मोत्सवमा होटल तथा रेष्टुरेण्टमा पुगेर गरिने खर्चले खासै कुनै अर्थ नराख्ने भएकाले हामी जो कहीले पनि समाज सुधारका लागि देखिने क्षेत्र वा आम जनमानसलाई सेवा पुग्ने क्षेत्रमा सहयोग गर्न आग्रह गरेका थिए ।
कार्यक्रममा जेष्ठ नागरिक समाज शिसुवाका अध्यक्ष द्रोणाचार्य पौडेल,सचिव तारा प्रसाद पौडेल,पोखरा ३० का वडासदस्य विनोद प्रसाद लामिछाने ,लायन्स क्वल अफ लेखनाथका पुर्व अध्यक्ष सुर्यनारायण बराल, मेजर रामप्रसाद गुरुङ,क्लवका प्रथम उपाध्यक्ष कृष्ण तिमिल्सेना र गृष्म मोहन भटराई लगाएतले लायन्स अभियानका बारेमा जानकारी गराएका थिए ।
क्लवका अध्यक्ष रमानाथ पौडेलको अध्यक्षतामा भएको कार्यक्रमको संचालन सचिव तुलसी सापकोटाले गरेका थिए ।
Discussion about this post