पोखरा महानगरपालिका खेलकुद विकास समितिको आयोजना तथा कास्की एथ्लेटिक्स संघको प्राविधिक सहयोगमा यहि जेठ २७ गते लेखनाथ हाफ म्याराथन दौड हुने भएको छ ।
कास्कीमा रहेका तालहरुको प्रचार प्रसारमा सहयोग पुग्ने गरि ताल देखि ताल सम्म भन्ने मुल नाराका साथ विभिन्न तीन समुहमा हुने दौडका वारेमा विहिवार लेखनाथ रङ्कशालामा राखिएको पत्रकार सम्मेलनमा पोखरा महानगरपालिका खेलकुद विकास समितिका अध्यक्ष दिपक वहादुर गोदारले तयारी अन्तिम चरणमा पुगेको जानकारी गराएका थिए ।
लेखनाथ रङ्कशालाबाट सुरु हुने दौड लेखनाथका विभिन्न ठाउमा पुगी बेगनासताल किनारा हुदै पुन लेखनाथ रङ्कशालामा आईपुग्ने छ । प्रतियोगिताको पुरुष तर्फ राष्ट्रिय खुल्ला २१ किमी ,महिला तर्फ राष्ट्रिय खुल्ला १० कि मि र विद्यालय तर्फ छात्र ,छात्राको पाँच कि मि को सडक दौड हुने भएको छ ।
प्रतियोगितमा करिव आठ सय जना धावकले सहभागीता जनाउने विश्वास आयोजकहरुले गरेका छन् प्रतियोगिता संचालनमा करिव आठ लाख खर्च हुने अनुमान समेत गरिएको पोखरा महानगरपालिका खेलकुद विकास समितिका सदस्य सचिव सुवास खड्काले जानकारी दिएका छन् ।
म्याराथन दौडको २१ र १० किमि मा प्रथम हुनेलाई ३० हजार,द्धितिय हुनेलाई २० हजार र तृतिय हुनेलाई १० हजार नगद मेडल र प्रमाण पत्र प्रदान गरिने भएको छ भने विद्यालय छात्र छात्रा ५ कि मि तर्फको दौडमा मा प्रथम हुनेलाई १५ हजार,द्धितिय हुनेलाई १० हजार, तृतिय हुनेलाई ५ हजार ,चौथो हुनेलाई १५ सय र पाँचौ हुनेलाई एक हजार नगद मेडल र प्रमाण पत्र प्रदान गरिने छ । यसैगरि म्याराथन तर्फ पोखरा च्याम्पिन एक जनालाई १० हजार नगद सहित मेडल,प्रमाण पत्र सहित उचित पुरस्कार प्रदान गरिने भएको छ ।
Discussion about this post