जेठ, २० लेखनाथ ।
पोखरा ३० का चार युवा हरुले कवि शिरोमणि लेखनाथ आधारभूत विद्यालय, पोखरा २७ अर्चलेमा अध्ययनरत ३० जना छात्र छात्राहरु लाई टाई तथा बेल्ट सहयोग गरेका छन्। पोखरा ३० का विधान देउजा, जीवन ढकाल, आनन्द रानाभाट तथा सन्देश भुजेल द्वारा उक्त सामाग्री शुक्रबाट एक कार्यक्रम का बीच बिद्यालयमा पुगेर हस्तान्तरण गरेका हुन्।
ग्रामिण भेगमा रहेका बिपन्न र आर्थिक रुपले कमजोर भएका बिद्यार्थी हरुका लागि सानो सहयोग गर्न पाउँदा निकै खुसि लागेको बिधान देउजाले बताएका छन्। साथै यस कार्यमा सहयोग पुर्याउने शिक्षक, कर्मचारी, अभिभावक, विद्यार्थी तथा सरोकारवालाहरु प्रति धन्यबाद समेत ब्यक्त गरेका छन्।
शिक्षक अभिभावक संघका संयोजक राममणि पौडेलको सभापतित्वमा सम्पन्न कार्यक्रम शिक्षक वेदनाथ अधिकारीले सन्चालन गरेका थिए भने बिद्यालय का प्रधानाध्यापक गुरु प्रसाद सापकोटाले स्वागत गरेका थिए।
Discussion about this post