रामशरण नेपाली, वैशाख १८, लेखनाथ । साविक लेखनाथ नगरपालिका पुर्नस्थापना गर्नुपर्नेमा एक कार्यक्रमका वक्ताहरुले जोड दिएका छन । राज्यको पुर्नसंरचना सँगै लेखनाथ नगरपालिका पोखरा महानगरपालिकामा मिसिए पनि लेखनाथवासिहरुको मन र भावना मिसिन नसकेको भन्दै वक्ताहरुले साविक लेखनाथ नगरपालिकालाई पुनस्थापना गर्नुपर्नेमा जोड दिएका हुन ।
जागरुक नागरीक समाज पोखरा–२६ ले आयोजना गरेको साविक लेखनाथ हिजो आज र भोली विषयक अन्र्तक्रिया कार्यक्रममा बोल्ने अधिकांश वक्ताहरुले पर्याप्त सम्भावना हरु हुँदा हुँदै पनि जनताले अपेक्षा गरेअनुरुप विकास हुन नसकेको र महानगरले साविक लेखनाथलाई हेर्ने दृष्टिकोणनै भेदभावपुर्ण रहेको भन्दै लेखनाथ नगरपालिकालाई पुनस्थापना गर्नुपर्ने वताएका हुन ।
कार्यक्रममा कार्यपत्र प्रस्तुत गर्दै लेखनाथ नगरपालिकाका संस्थापक मेयर शालिग्राम पौडेलले सात तालको बगैंचा शहरको पहिचान बनाउँदै तत्कालिन अवस्थामा २२ नगरपालिकाहरु मध्ये सबैभन्दा उत्कृष्ट नगर हुन सफल लेखनाथलाई पोखरा महानगरमा गाभिए पनि जनताको अपनत्व र सहभागिता हुन नसकेको र राजनैतिक नेर्तत्वले समेत गल्ती महशुस गरेकाले आगामी दिनमा सबै जनता एकजुट भएर पुर्नस्थापनाको लाग अगाडि वढ्नुपर्नेमा जोड दिएका थिए ।
यस्तै नेपाल उद्योग वाणिज्य महासंघका केन्द्रीय सदस्य बाबुराम गिरीले स्थानीय तहको पुर्नसंरचनाका बखत ग्रेटर पोखराको लालिपप देखाएर महानगरमा गाभिएपनि अहिलेको अवस्थासम्म आईपुग्दा उक्त अवधारणा विफल सिद्ध भएको र यसले लेखनाथवासीमा चरम निराशा छाएको, सन्तुलीत विकास हुन नसकेको र लेखनाथको पहिचान नै गुम्ने अवस्था रहेको भन्दै अबका दिनमा विगतका त्रुटी सच्याएर अगाडी वढ्नुपर्ने वताएका थिए ।
नेपाली काँग्रेसका क्षेत्रीय सभापति राजेन्द्रमणि लामिछानेले आफुले पटक पटक लेखनाथलाई पोखरामा नमिसाउन खबरदारी गरेको भएपनि आफ्नो केही सिप नलागेको र अहिले लेखनाथवासी अत्यन्त पिल्सिएको अवस्थामा आईपुगेका वताए ।
उक्त अवसरमा लेखनाथ उद्योग वाणिज्य संघका अध्यक्ष क्षत्रधर आत्रेयले लेखनाथ पोखरामा गाभिएकोमा लेखनाथवासीहरु सन्तुष्ट हुन नसकेको र पोखरावासीहरुले पनि आफ्नो भाग खोसीएको महशुस गरेको आफुले पाएको वताउँदै यो सामुहिक मुद्धा भएकोले सामुहीक रुपमा उठाउनुपर्नेमा जोड दिंदै यसमा लेखनाथ उद्योग वाणिज्य संघले आफ्नो भुमिका निर्वाह गर्न तयार रहेको वताएका थिए ।
कार्यक्रममा लेखनाथ उद्योग वाणिज्य संघका पुर्व अध्यक्षहरु चतुराखर अधिकारी, लक्ष्मीप्रसाद त्रिपाठी, लक्ष्मी आर्दश बहुमुखी क्याम्पसका प्रमुख रामजी लामिछाने, अधिवक्ता लेखनाथ सापकोटा, लेखनाथ सामुदायीक सेवा केन्द्रका संस्थापक अध्यक्ष मोती गिरी, श्रुजनशिल महिला समुहकी गंगा जिसी, पत्रकारहरु कविराज खनाल, भिमपाणी बराल, स्थानीय हरिप्रसाद त्रिपाठी, कृष्णप्रसाद पौडेल, मेघराज पौडेल, गणपती ओझा लगायतले बोलेका थिए ।
संस्थाका अध्यक्ष रामहरी ढुंगानाको अध्यक्षतामा सम्पन्न कार्यक्रममा धन्यवाद ज्ञापन उपाध्यक्ष जगन्नाथ तिमिल्सीना र कार्यक्रमको सञ्चालन सचिव सावित्रि भटृराईले गरेकी थिईन ।
Discussion about this post