लेखनाथ, बैशाख १ । धादिङ पोखरा क्षेत्र नं. २ लेखनाथ कल्याणकारी समाजले नयाँ वर्ष २०८० को अवसरमा प्रकाशन गरेको भित्तेपात्रोको शुक्रबार एक कार्यक्रमका विच बिमोचन गरिएको छ ।
भित्तेपात्रोको बिमोचन गर्दै धादिङ पोखरा सम्पर्क समाजका अध्यक्ष राजु पाण्डेले नयाँ वर्षको अवसरमा भित्तेपात्रो प्रकाशन गर्न सफल भएको बधाई ज्ञापन गर्दै आगामी दिनहरुमा पनि निरन्तरता दिन आग्रह गरेका थिए ।
उनले समाज निरन्तर रुपमा सामाजीक कार्य गर्दै आएको र धादिङ पोखरा सम्पर्क समाजका विभिन्न ईकाईहरु मध्ये उत्कृष्ट ईकाई भएकोमा प्रशंसा गर्दै आगामी दिनहरुमा पनि सक्रियताका साथ लागी आफुलाई अब्बल सामाजीक संस्थाको रुपमा उभ्याउन सफल हुने विश्वास व्यक्त गरेका थिए ।
कार्यक्रममा धादिङ पोखरा सम्पर्क समाजका पुर्वअध्यक्ष बलराम खतिवडाले कुनै पनि राजनितिक स्र्वाथ भन्दा माथी उठेर सामाजिक काममा सक्रिय हुनुपर्नेमा जोड दिएका थिए ।
कार्यक्रममा दलित मुक्ति मोर्चा गण्डकी प्रदेशका सदस्य जिबन विश्वकर्मा, गण्डकी मिजार समाजका अध्यक्ष गोपाल नेपाली लगायतले बोलेका थिए ।
संस्थाका अध्यक्ष बुद्धराज बस्यालले नयाँ वर्षको अवसरमा भित्तेपात्रो बिमोचन र शुभकामना आदान प्रदान गर्न पाउँदा अत्यन्तै खुशी लागेको वताउँदै समाजका सबै सदस्यहरुको सक्रियताका कारण यो सम्भव भएकोमा आाभार समेत व्यक्त गरेका थिए ।
कार्यक्रममा निवर्तमान अध्यक्ष तेज बहादुर वस्यालले स्वागत गरेका थिए भने कार्यक्रमको सञ्चालन महासचिव मिस्टर नेपालीले गरेका थिए ।
Discussion about this post