रामशरण नेपाली
लेखनाथ २२ चैत्र । कास्कीको पोखरा महानगरपालिका ३० मा रहेको संक्रामक तथा सरुवा रोग अस्पतालमा कोरोना संक्रमितको संख्या वढ्न थालेका छन ।
पछिल्लो एक सातामा मात्रै अस्पतालमा १९ जनाको एन्टिजेन विधिमार्फत कोरोना परिक्षण गरिएकोमा ५ जनामा कोरोना संक्रमण पुष्टि भएको अस्पतालका कार्यकारी निर्देशक डा. विकास गौचनले जानकारी दिएका छन । संक्रमित मध्ये ३ जना महिला र ३ जना पुरुष रहेका छन ।
नेपालमा अहिले संक्रमितको संख्या बढ्नुमा ओमिक्रोनको नयाँ सब भेरियन्ट मुख्य कारक हुन सक्ने निर्देशक गौचनले वताए । यद्यपी अस्पतालमा संक्रमण पुष्टि भएकाहरुको हकमा भने जिन सिक्वेन्सिङ रिपोर्टको आधारमा मात्र कुन भेरियन्ट हो भनेर थाहा लाग्ने उनले वताए ।
संक्रमितको संख्या वढ्न थालेसँगै अस्पतालबाट कोरोनाविरुद्धको खोप लगाउनेको संख्यामा पनि वृद्धि भएको छ । अस्पतालबाट सञ्चालन भईरहेको नियमित खोप कार्यक्रम मार्फत पछिल्लो १ सातामा औषत ४० जनाले कारोना विरुद्धको खोप लगाउने गरेको अस्पतालका सुचना अधिकारी केदार लामिछानेले जानकारी दिए ।
स्वास्थ्य तथा जनसंख्या मन्त्रालयले कोरोनाविरुद्धको बुस्टर डोज खोप लगाउन पटकपटक आग्रह गर्दै आईरहेको छ । स्वास्थ्य सेवा विभागले पछिल्लो पटक बुस्टर र दोस्रो बुस्टरका लागि तीस लाख डोज फाइजर खोप ल्याएको छ । कोभ्याक्स सुविधामार्फत् ल्याइएको सो खोप अहिले प्रदेशस्तरबाट वितरण भइरहेको र अस्पतालबाट निशुल्क रुपमा लगाउन सकिने लामिछानेले जानकारी दिए ।
कोरोना संक्रमण बढी हुँदा संक्रमितको मात्र उपचार गरेको अस्पतालले केही समय अघिमात्र अन्य सेवा सुरु गरेको थियो । ५० बेड क्षमताको अस्पताल गण्डकी प्रदेश सरकारले सञ्चालन गरेको हो ।
नेपालमा अहिले दिइरहेको फाइजर बाइभ्यालेन्ट खोपले ओमिक्रोनका सब भेरियन्टहरूविरुद्ध पनि काम गर्ने अमेरिकाको नेसनल इन्स्टिच्युट अफ हेल्थले पुष्टि गरिसकेको छ । यस अर्थमा फाइजर बुस्टर डोजले ओमिक्रोनका सब भेरियन्टहरूबाट सिकिस्त गराउने जोखिम कम गराउने देखिएको छ ।
Discussion about this post