लेखनाथ, १३ चैत्र । ईलाका प्रहरी कार्यालय डाँडाको नाकको हाताभित्र भन्ने ६ कोठे पक्की भवनको सोमबार शिलान्यास गरिएको छ । भवनको पोखरा महानगरपालिका वडा नं. २६ का वडाध्यक्ष नरेन्द्र थापाले शिलान्यास गरेका हुन ।
भवनको शिलान्यास गर्दै वडाध्यक्ष थापाले शान्ती सुरक्षा र सु–व्यवस्था कायम गर्नको लागी स्थानीय सरकार प्रहरीविच समन्वय हुनुपर्नेमा जोड दिएका छन । थापाले भवन निर्माण भएपछि प्रहरीको कार्यसञ्चालन र सेवा प्रवाहमा थप सहजता आउने विश्वास व्यक्त गरेका छन ।
उक्त अवसरमा ईलाका प्रहरी कार्यालय डाँडाको नाकका प्रमुख प्रहरी नायब उपरीक्षक प्रकाश दहालले स्थानीय प्रहरीसँग पर्याप्त श्रोत साधन नभएको अवस्थामा वडा कार्यालयले भवन निर्माणको लागी पुर्याएको सहयोगप्रति धन्यवाद व्यक्त गरे ।
उनले समाजमा विकृति विसंगतीको रोकथाम गरि सभ्य र सुसंस्कृत समाज निर्माणको लागी प्रहरी संगठन सदैव कटिृवद्ध रहेको वताउँदै यसलाई लक्ष्यमा पुर्याउन स्थानीय सरकार र स्थानीयवासीहरुको सदैव साथ सर्मथन हुनुपर्नेमा जोड दिएका थिए ।
कार्यक्रममा वडाका सब–ईन्जिनियर संकल्प ढुंगानाले भवन निर्माण समयमै सम्पन्न हुने विश्वास व्यक्त गर्दै गुणस्तरमा कुनै सम्झौता नगरीने वताएका थिए । वडाको पहलमा निर्माण हुने उक्त भवन निर्माणको लागी महानगरको २५ लाख र जनसहभागीता ४ लाख ४१ हजार ५सय गरी कुल २९ लाख ४१ हजार ५ सय लागत लाग्ने पनि उनले जानकारी दिए ।
Discussion about this post