कवि शिरोमणीको १३९ औं जन्मजयन्तीको पुर्वसन्ध्यामा विद्यालयस्तरीय खुल्ला कविता

कवि शिरोमणी लेखनाथ पौड्यालको १३९ औं जन्म जयन्तीको अवसरमा आयोजित त्रिदिवसीय कार्यक्रम अन्तर्गत वडा नं २६ र २७ भित्र रहेका निजी तथा सामुदायिक विद्यालय स्तरीय कविता वाचन प्रतियोगिता विहिबार सम्पन्न भएको छ । जनएकता युवा क्लव पोखरा २७ अर्चलेको आयोजनामा विद्यालय स्तरीय खुल्ला कविता वाचन प्रतियोगितामा लक्ष्मी आदर्श मावि कि छात्रा सुजाना सापकोटाले प्रथम स्थान हासिल गरेकी छन् । त्यस्तै रिलायन्स पब्लिक स्कुलकी छात्रा एलिशा मिश्र द्वितीय र न्यू एरा एकेडेमीकि छात्रा सदिक्षा भण्डारी तृतीय र डायमण्ड माध्यामिक विद्यालयकी छात्रा योग्यता ढुंगाना सान्त्वना भएकी छन् ।

प्रतियोगितामा सहभागी एक मात्र आधारभुत विद्यालय श्री कवि शिरोमणि लेखनाथ आधारभुत विद्यालयका सहभागी विद्यार्थी हरुलाई विशेष पुरस्कार तथा साथै विद्यालयका सम्पुर्ण विद्यार्थीहरुलाई क्लबको तर्फवाट स्टेशनरी सामान वितरण गरेको आयोजक जना एकता युवा क्लवले जानकारी दिएको छ ।

क्लवले चिरिएका पैताला कृतिका सर्वप्रिय कवि रोशन तिमील्सिना लाई “जनएकता युवा साहित्य पुरस्कार २०७९” बाट सम्मान गरेको छ ।

पोखरा महानगरपालिका वडा नं २७ का वडा अध्यक्ष पुर्ण कुमार गुरुङको प्रमुख आतिथ्यतामा सम्पन्न भएको कार्यक्रम क्लबका सल्लाहकार श्री गोविन्द वाग्लेले सञ्चालन गरेका थिए ।