लेखनाथ, २४ मंसिर । साना किसान कृषि सहकारी संस्था लि। पोखरा–३१ बेगनास को २३औं वार्षिक साधारण सभा तथा ९औं अधिवेशन शनिबारबाट शुरु भएको छ ।
कार्यक्रमको उद्घाटन गर्दै पोखरा महानगरपालिकाका प्रमुख धनराज आचार्यले सहकारीले वचत तथा ऋणको कारोबार मात्र नगरी उत्पादनमुखी योजनालाई जोड दिनुपर्ने वताउँदै महानगरले पनि कृषिमा आधारीत योजना ल्याउने वताएका छन ।
मेयर आचार्यले सहकारीले वस्तु तथा सेवाको उत्पादनदमा जोड दिनुपर्ने वताउँदै ठाउँको विशेषता अनुसार एक वडा एक उत्पादनमा जोड दिंदै विकासका महत्वपुर्ण काममा पनि जोडिन आग्रह गरे ।
यस्तै जिल्ला सहकारी संघका पुर्वअध्यक्ष रविरमण तिवारीले सहकारीले कृषकहरुलाई एकजुट गराउनुका साथै बचत गर्ने बानिको विकासमा योगदान पुराएको बताए ।
उनले शेयर सदस्यहरुलाई सुलभ रुपमा त्रृण लगानी, विभिन्न किसीमका तालिम, बिउबिजनमा सहयोग, कृषकहरुलाई नयाँ प्रविधिको व्यवस्था लगायतजका विषयमा संस्पथाले पहल गर्नुपर्ने वताएका थिए ।
कार्यक्रममा वडा नं. ३१ की वडा सदस्य धनदेवी तिवारी, पुर्व जनप्रतिनिधि सावित्री भण्डारी, निर्वाचन संयोजक राममणी अधिकारी, कुर्लुङ्गखोला खानेपानी उपभोक्ता संस्थाका अध्यक्ष नरनारायण थापा, लेखनाथ उद्योग वाणिज्य संघका अध्यक्ष छत्रधर आत्रेय, लेखनाथ खानेपानी उपभोक्ता संस्थाका अधयक्ष मुरारी शर्मा, शेयर सदस्यहरुको तर्फबाट शारदा अधिकारी र हरी थापा लगायतले बोलेका थिए ।
उक्त अवसरमा सहकारीका शेयर सदस्य रहेका जेष्ठ नागरीक, प्लस टु मा उत्कृष्ट विद्यार्थीहरु, उत्कृष्ट कृषक र उत्कृष्ट वचत तथा कारोबार गर्नेलाई सम्मान समेत गरिएको थियो ।
संस्थाको अध्यक्ष सोमलाल तिवारीको अध्यक्षतामा सम्पन्न भएको कार्यक्रममा उपाध्यक्ष पुष्पकमल ढुंगानाले स्वागत गरेका थिए भने कार्यक्रमको सञ्चालन समितिका सदस्य कृष्णप्रसाद ढुंगानाले गरेका थिए ।
२०५७ सालमा ५ सय ७० जना शेयर सदस्यबाट शुरु भएको सहकारीमा हालसम्म एक हजार सात सय ६९ शेयर सदस्य आवद्ध भईसकेका छन । सहकारीले आफ्नो शेयर पुँजी चार करोड ६२ लाख ८२ हजार पुर्याउन सफल भएको छ ।
Discussion about this post