पोखरा र लेखनाथ छुट्छुटै हुदाँ झनबढि बिकास हुन्
लेखनाथ,२४ मंसिर ।
लेखनाथ जेसीजको सनिवार सम्पन्न २५ औं बार्षिक साधारण सभा तथा २४ औं शाखा अधिबेशनको उद्घाटन समारोहका वक्ताहरुले पोखरा र लेखनाथ छुटाछुटै पालिका हुदाँ बढि विकास हुने बताएका छन् ।
पछिल्लो क्रममा जनस्तरबाट लेखनाथ नगरपालीका कायम गरिनुपर्ने आवाज उठीरहेका बेला कार्यक्रमका वक्ताहरुले लेखनाथ क्षेत्रको भुगोल, विशेषता र जनसंख्यालाई मध्यनजर गरी लेखनाथ नगरपालीका कायम गर्न सके विकासले पनि गति लिन सक्ने दावी गरेका हुन ।
कार्यक्रममा नेकपा एमाले संगठन विभागका प्रमुख एवं नवनिर्वाचित गण्डकी प्रदेश सभा सदस्य खगराज अधिकारीले लेखनाथ नगरपालिका कायम राखिराख्न अन्तिम समयसम्म पनि आफुले अडान लिएको र लिखित रुपमा सुझावसमेत दिएको वताउँदै स्थानीय तहको नेतृत्वले दवाव थेग्न नसकेको वताए ।
समग्र कास्की जिल्लाकै विकासको लागि यहाँ भएका पाँचबटा पालिकाबाट आठवटासम्म पालिका बनाउन सकिने सम्भावना औल्याउदै पोखराबाट लेखनाथ छुट्उनका लागि दुई तिहाई नगर परिषदले पास गर्नु पर्ने र प्रदेश हुदै केन्दबाट स्वकृती हुनु पर्ने नेता अधिकारीको सुझाव रहेको थियो ।
जेसिज सिक्ने र सिकाउने थलो भएकोले समाज सुधारका लागि युवाहरुले नेतृत्व लिनु पर्ने धारणा राख्दै नेता अधिकारीले यस क्षेत्रको विकासका लागि यहाँ रहेका सामाजिक संघ सस्थाहरुसँग सहकार्य गर्दै विकासका लागि सकरात्कम हस्तक्षेफ गर्न पनि पछि नपर्ने विश्वास ब्यक्त गरेका थिए ।
कार्यक्रममा लेखनाथ उद्योग बाणिज्य संघका अध्यक्ष छत्रधर आत्रेयले युवाहरु रोजगारका लागि विदेश होईन स्वदेशमा नै रोजगार सृजना हुने खालका योजना लिएर अगाडी वढ्नु पर्नेमा जोड दिएका थिए ।
लेखनाथ जेसिजका अध्यक्ष सुजन न्यौपानेको अध्यक्षतामा भएको कार्यक्रममा पोखरा महानगरपालिका वडा नं २९ का वडाअध्यक्ष श्रीप्रसाद गुरुङ,पोखरा जेसिजका अध्यक्ष मिनराज खड्का,लेखनाथ जेसिजका पुर्व अध्यक्ष सुरेन्द्रराज अधिकारी लगाएतले जेसिजले समाज परिवर्तनका लागि नेतृत्वदाई भुमिका निभाउन सक्नु पर्नेमा जोड दिएका थिए ।
लेखनाथ जेसिजका महासचिव कृष्ण तिवारीले संचालन गरेको कार्यक्रममा स्वागत मन्तव्य निर्वतमान अध्यक्ष नवराज पौडेलले गरेका थिए । यसै बिच सोही भेलावाट आगामी कार्यकालका लागि नयाँ कार्यसमिति चयन गरिने छ ।
Discussion about this post