तेश्रो हिमाल एण्ड रक्षा मेमोरियल कप फुटसल हुने

लेखनाथ, असोज १३ ।
चेतनशिल आर्दश युवा क्लव पोखरा–३० को आयोजनामा यहि असोज १५ र १६ गते तेश्रो हिमाल एण्ड रक्षा मेमोरियल कप फुटसल प्रतियोगिता हुने भएको छ ।
पोखरा–२७ तालचोकमा रहेको काईट स्र्पोटस क्लव फुटसलमा आयोजना गरिने प्रतियोगिताको तयारी तिव्र पारीएको छ । प्रतियोगिता सम्पन्न गर्नको लागी २ लाख अनुमानित खर्च लाग्ने र खर्च कटाएर बाँकी रकम सामाजिक कार्यमा लगाईने कोषाध्यक्ष बिक्कि गुरुङ्गले जानकारी दिए ।
गत वर्ष १८ टिमको सहभागीता रहेकोमा यस वर्ष पनि सोही हाराहारीमा सहभागीता रहने अपेक्षा गरिएको प्रतियोगिताका संयोजक ढक बहादुर घलेले वताए । प्रतियोगितालाई R2M Education Specialist पोखरा–२७ तालचोकले मुख्य प्रायोजन गरेको छ ।

सडक दुर्घटनामा परि निधन भएका स्थानीय खेलाडीहरु हिमाल गुरुङ्ग र रक्षा गुरुङ्ग को स्मृतिमा तेश्रो पटक आयोजना गरिने प्रतियोगितामा प्रथम हुने टिमले नगद रु २५ हजार, शिल्ड मेडल र प्रमाणपत्र प्राप्त गर्नेछ भने उप–विजेता टिमले नगद रु १५ हजार मेडल र प्रमाणपत्र प्राप्त गर्ने क्लवका अध्यक्ष किशोर सुवेदीले जानकारी दिए ।