लेखनाथ, असोज ११ । पचभैया सामुदायीक होमस्टे पोखरा–३१ को छैटौं साधारण सभा मंगलबार सम्पन्न भएको छ । ४३ औं विश्व पर्यटन दिवसको अवसरमा आयोजित साधारण सभाको उद्घाटन गर्दै पर्यटनविद एवं वन विज्ञान अध्ययन संस्थान पोखराका प्राध्यापक डा. श्रीकान्त खतीवडाले दिगो व्यवस्थीत र जिम्मेवार पर्यटन सामुदायीक पर्या–पर्यटनबाट मात्र सम्भव हुने वताएका छन ।
उनले समुदाय अघि सरेर सञ्चालन गरेका पर्या–पर्यटनका गतिविधिहरुलाई प्रदेश सरकार एवं स्थानीय सरकारले सहयोग गर्नुपर्ने वताउँदै अतिथी सत्कार, क्षमता विकास, सहुलियत कर्जा लगायतका विषयमा राज्यले ध्यान दिनुपर्ने वताएका थिए ।
उक्त अवसरमा पोखरा महानगरपालिका वडा नं.३१ का वडा सदस्य विनोदमणि लामिछानेले पर्यटनको विकासका लागी महागनगरले ल्याएका योजनाहरुमार्फत वडास्तरबाट सक्दो पहल र प्रयास गर्ने वताएका थिए ।
यस्तै पचभैया सामुदायीक वन उपभोक्ता समितिका अध्यक्ष दिनानाथ ढकालले प्रचुर पर्यटकिय सम्भावना बोकेर पनि पचभैया क्षेत्र राज्यको प्राथमिकतामा पर्न नसकेको गुनासो गरे । यस क्षेत्रलाई पर्यटकीय हबको रुपमा वा पर्यटकिय वडा घोषणा गर्न सके राज्यको पर्यटनका पुर्वाधारहरु निर्माण लगायतका विषयमा राज्यको नजर पर्न सक्ने विश्वास व्यक्त गरेका थिए ।
संस्थाका सल्लाहकार एवं पर्यटन व्यवसायी दामोदर भक्त थापाले सामुदायीक होम स्टेले पदमार्ग निर्माण लगायतका विभिन्न गतिविधिहरु गर्दै आएपनि पर्याप्त नभएको वताउँदै बनको सौन्दर्यकरण गरी पर्यटकीय आर्कषणको क्षेत्र बनाउनेतर्फ बन समितिले पनि ध्यान दिनुपर्ने वताएका थिए । उनले पर्यटकिय पुर्वाधारहरुको विकास र संरक्षणको लागी स्थानिय निकायले सहयोग गर्नुपर्ने र स्थानीयहरु पनि जागरुक हुनुपर्नेमा जोड दिएका थिए ।
कार्यक्रममा दिदिबहिनी महिला समुहकी अध्यक्ष यमुना सुवेदी, पचभैया आमा समुहकी अध्यक्ष विष्णु गुरुङ, पचभैया देउराली आमा समुहकी सचिव विपना कुँवर थापा, लगायतले बोलेका थिए । साधारण सभाले सचिव गणेश ढकालको वार्षिक प्रगती प्रतिवेदन र कोषाध्यक्ष पदम लामिछानेको आर्थिक प्रतिवेदन सर्वसम्मतले पारित गरेको छ ।
संस्थाकी अध्यक्ष निमा थापामगरको अध्यक्षतामा सम्पन्न कार्यक्रममा उपाध्यक्ष सरस्वती थापाले स्वागत गरेकी थिईन भने कार्यक्रमको सञ्चालन सचिव पदम लामिछानेले गरेका थिए ।
Discussion about this post