राईजिङ्ग स्टार युथ क्लवको रत्तदा
लेखनाथ,८असोज । पोखरा २७ मा रहेको राईजिङ्ग स्टार युथ क्लवको बार्षिक कार्यक्रम अन्तरगत २१ औं पटक राखेको खुल्ला रत्तदानमा एक सय एक युनिट रगत संकलन भएको छ ।
सरसफाई र विभिन्न किसिमका सामाजिक क्षेत्रमा काम गर्दै आएको क्लवले हरेक वर्ष जस्तै यस वर्ष पनि राखेको रक्तदानमा स्वतस्फुर्त रुपमा रत्तदान गर्नेहरुको बाक्लो उपस्थितीले लक्ष्य भन्दा बढि युनिट रगत संकलन भएको क्लवका अध्यक्ष विष्णु गुरुङले जानकारी दिएका छन् ।
रत्तदान कार्यक्रममा पहिलो पटक रगत दिने युवाहरुको सख्यामा पनि उल्लेखिए रुपमा सहभागिता बढेकाले आयोजकहरुलाई थप हौसला मिलेको अध्यक्ष गुरुङको भनाई रहेको छ ।
रत्तदान कार्यक्रमका पहिलो रक्तदाता कमला न्यौपानेलाई ब्लड ब्याग हस्तान्त्रण गर्दै पोखरा महानगरपालिका वडा नं २७ का वडाअध्यक्ष पुर्णकुमार गुरुङले क्लवले सामाजिक क्षेत्रमा गरेको कामको उच्च प्रशंसा गर्दै युवाहरुलाई समाज परिवर्तनका लागि स्वयम युवाहरुलाई नै सक्रियताका साथ अगाडी वढाउनु पर्ने सुझाव राखेका थिए ।
क्लवका अध्यक्ष विष्णु गुरुङको अध्यक्षतामा भएको कार्यक्रममा लेखनाथ उद्योग बाणिज्य संघका अध्यक्ष छत्रधर आत्रेय,कार्यक्रम संयोजक ईश्वर बहादुर खत्री,क्लवका सचिव अर्जुन सापकोटा र कोषाध्या सागर गुरुङ लगाएतले आफनुलाई स्वच्छ र निरोगी राख्नका लागि पनि वर्षमा दुई पटक रगत दिदा राम्रो हुने धारणा राखेका थिए ।
Discussion about this post