लेखनाथ, ५ असोज ।
पोखरा महानगरपालिका वडा नं. २६ बुढिबजारमा नेपाली यूवाले दाह्री कपाल सैलुन सञ्चालनमा ल्याएका छन । स्थानीय संगम नगर निवासी ४० वर्षिय रोशन कुँवरले करिब ६ लाखको लगानीमा सैलुन सञ्चालनमा ल्याएका हुन ।
सैलुनको बुधबार एक कार्यक्रमका विच उद्घाटन गर्दै पोखरा महानगरपालिका वडा नं. २६ का अध्यक्ष नरेन्द्र थापाले स्वदेशमै केही गर्नुपर्छ भन्ने उद्धेश्यले नेपाली युवाहरुद्धारा सञ्चालित सैलुनको सफलताको कामना गर्दै हरेक यूवाहरु सिप सिकेर दक्ष बन्नुपर्नेमा जोड दिएका थिए ।
वडाध्यक्ष थापाले काम कहिल्यै ठुलो र सानो नहुने वताउँदै यूवाहरुलाई आवश्यकता अनुसारको सिप सिकाउन २६ नं. वडा कार्यालय तत्पर रहेको वताउँदै यसका लागी लेखनाथ उद्योग वाणिज्य संघ लगायतका संघ संस्थाहरुसँग सहकार्य गरिने वताएका थिए ।
यस्तै लेखनाथ उद्योग वाणिज्य संघका अध्यक्ष छत्रधर आत्रेयले नेपाली यूवाहरु स्वदेशमै स्वरोजगार बन्न सकेको खण्डमा स्वदेशी पैसा विदेश पलायन हुनबाट रोकीने र मुलुकको अर्थतन्त्रमा ठुलो टेवा पुग्ने वताएका थिए ।
उनले सिपमुलक तालिम संञ्चालनका लागि संघले सिटिईभिटि सँग एमओयू गरिसकेको वताउँदै विभिन्न संघसंस्था एवं स्थानीय तहसँग सहकार्य गर्दैै अघि वढ्ने प्रतिवद्धता व्यक्त गरेका थिए ।
सैलुनका सञ्चालन रोशन कुँवरको अध्यक्षतामा सम्पन्न कार्यक्रममा प्रविन रानाभाटले स्वागत गरेका थिए भने कार्यक्रमको सञ्चालन सञ्चारकर्मि सचिन रानाभाटले गरेका थिए ।
यसअघि पोखरामै पेपर कप उत्पादनको व्यवसाय समेत गरिसकेका कुँवरले नेपाली यूवाहरुमा भएको सिप र क्षमताको प्रोत्सान गर्दै स्वदेशमै रोजगारी सिर्जना गर्ने उद्धेश्यले सैलुन सञ्चालनमा ल्याएको वताएका थिए ।
सैलुनमा ३ जनाले प्रत्यक्ष रुपमा रोजगारी दिएको र १ महिनाभित्र चाउथे र अर्घौंचोकमा शाखा सञ्चालनमा ल्याउने सञ्चालक कुँवरले वताएका छन । शुभारम्भ एवं चाडपर्वको अवसरमा सैलुनले हरेक सेवामा २० प्रतिशत छुटको पनि व्यवस्था गरेको छ ।
Discussion about this post