निःशुल्क मौरीपालन तालिम

लेखनाथ,१७ भदौ ।
गार्डेन सिटी वि फार्मीङ पोखरा २६ ले किसानहरुका लागि निःशुल्क तिन दिने मौरी पालन तालिमको आयोजना गरेको छ ।

किसानहरुलाई ब्यवसायिक मौरीपालन तर्फ आर्कषण गर्ने उदेश्यले मौरीपालनका विधी र उपयोगिताका बारेमा प्रयोगात्मक विधिबाट तालिमको आयोजना गरेको हो ।

मौरी पालेर पनि ब्यवसायिक बन्न नसकेका किसानहरुका लागि ब्यवहारीक ज्ञान दिने उदेश्यले आयोजना गरिएको तालिमको सुभारम्भ गर्दै कृर्षि ज्ञान केन्द्र कास्कीका प्रमुख शालिकराम अधिकारीले मौरी जसरी मेहनती छ त्यसैगरि किसानहरुले पनि मौरी पालनका लागि आधारभुत ज्ञान लिएर ब्यवसायि उत्पादन तर्फ अग्रसर हुन आग्रह गरेका हुन् ।

गार्डेन सिटी वि फार्मीङका संचालन टेकमान गुरुङको अध्यक्षतामा भएको कार्यक्रममा नेपाल मौरी पालन महासंघ कास्कीका अध्यक्ष श्रीभद्र बरालले कास्कीमा विशेष गरि सेराना जातका मौरीको पालनका लागि उपयुक्त हावपानी भएकाले थोरै लगानीमा नतिजा देखिने गरि ब्यवसायिक मौरी पालन खेती गर्न सकिने बताएका थिए ।

कार्यक्रममा पोखरा आसपासका ३४ जना अगुवा किसानहरुको सहभागीता रहेको थियो । उक्त अवसरमा प्रशिक्षक मिलन गुरुङ र कमल रानामगरले मौरी पालनको विधी र अपनाउनु पर्ने होशियारीका बारेमा जानकारी गराएका थिए । कार्यक्रममा किसानहरुको तर्फबाट बद्रिनाथ भण्डारीले स्वागत मन्तव्य राखेका थिए ।