लेखनाथ, ११ भदौ ।
लेखनाथ सामुदायिक बचत तथा ऋण सहकारी सस्थाले आफनो १४ औं स्थापना दिवसका अवसरमा राखेको अन्तर मा वि स्तरिय वक्तृत्व कला प्रतियोगितामा डायमण्ड मोडल बोडिङकी कृपा अधिकारीले प्रथम स्थान हासिल गरेकी छन् ।
सामाजिक क्षेत्रमा केन्द्रित हुदै सहकारीले विविध कार्यक्रमका साथ साता ब्यापी कार्यक्रम मार्फत आफनो स्थापना दिवसको अन्तिम दिन राखिएको सहकारी सस्थाको समुदायमा महत्व र उपयोगिताका बारेमा राखिएको बक्तृत्वकला प्रतियोगितामा लक्ष्मी आदर्श माविका विपिन सुवेदीले द्धितिय,ज्ञानज्योती स्कुलकी खुसी गौतमले तृतिय र न्यू लाईट बोडिङ स्कुलकी युरिका सुवेदीले सान्त्वना स्थान हासिल गर्न सफल भएकी थिईन ।
बिजयी विद्यार्थीहरुलाई पोखरा महानगरपालिका वडा नं २७ का वडाअध्यक्ष पुर्णकुमार गुरुङले पुरस्कार वितरण गर्दै विषय बस्तुमा केन्द्रित भई खुल्ला रुपले आफनो प्रतिभा प्रस्फुटन गर्दा विद्यार्थीमा निखरता आउने विश्वास ब्यक्त गरेका थिए ।
सस्थाका उपाध्यक्ष हिमालय ओझाको अध्यक्षतामा भएको कार्यक्रममा नेपाल उद्योग बाणिज्य महासंघका केन्द्रिय सदस्य बाबुराम गिरी,कार्यक्रम संयोवक लक्ष्मी लक्ष्मी वास्तोला, सस्थाका सचिब कृष्ण प्रसाद तिवारी लगाएतले सहकारीले सामाजिक क्षेत्रमा पनि आफनो अग्रसरता देखाउदै आएको बताएका थिए ।
उक्त कार्यक्रममा निर्णायकको भुमिकामा अपिल कोईराला,पिताम्वर पौडेल र रविन्द्रराज पौडेल रहेका थिए ।
Discussion about this post