लेखनाथ, १ भदौ । भुपु सैनीक संघ कास्कीले आफ्नो स्वामित्वमा रहेको जग्गामा बसोबास गर्दै आएका सुकुम्बासी एवं अव्यवस्थीत बसोबासीलाई हटाईदिन प्रदेश सरकारसमक्ष माग गरेको छ ।
संघले पोखरा महानगरपालीका वडा नं. १० अमरसिंह नागीन टोलमा रहेको आफ्नो स्वामीत्वमा रहेको जग्गामा सुकुम्बासी एवं अब्यबस्थीत बसोबासीहरुले अतिक्रमण गरेकाले उनीहरुलाई निश्चित विकल्प दिएर हटाईदिनका लागी प्रदेश सरकार एवं महानगरसमक्ष आग्रह गरेको हो ।
कुल २० रोपनी १ आना १ पैसा ३ दाम क्षेत्रफल रहेको उक्त जग्गा २०४६/०२/०१ मा मन्त्रिपरिषदबाट निर्णय भई २०४९/०२/०१ मा संघको स्वामित्वमा आएको र हाल संस्थाको योजना अनुसारका संरचना निर्माण गर्ने क्रममा अवरोध पुग्न गएकाले अवरोध हटाईदिन आग्रअ गरेको हो ।
उक्त जग्गामा २०४६ सालमा तत्कालिन राष्ट्रिय पञ्चायतका अध्यक्ष नवराज सुवेदीले संघको कार्यालय भवन शिलान्यास गरी २०४७ सालमा तत्कालिन प्रधानमन्त्री गिरीजा प्रसाद कोईरालले उद्घाटन समेत गरेका थिए । उक्त कार्यालय भवन समेत अहिले सुकुम्बासी एवं अब्यबस्थीत बसोबासीहरुले कब्जा गरेको संघका अध्यक्ष खम्बसिंग गुरुङले वताएका छन ।
अवरोध हटाईदिन आग्रह गर्दै गण्डकी प्रदेशका प्रमुख, मुख्यमन्त्री, प्रमुख जिल्ला अधिकारी, महानगरपालिकाका मेयर, भुमिहिन आयोग लगायतका निकायमा पुगेको र हालसम्म कुनै सुनुवाई नभएको अध्यक्ष गुरुङले वताए ।
उनले वार्षिक २ लाख १७ हजार तिरो समेत तिर्दै आएको संघको स्वामित्वमा रहेको जग्गा खाली गरिदिन आग्रह गर्दै पटक पटक जाँदा अवरोध सिर्जना गरिएको त्तकालीन अध्यक्ष मेजर दिपक बहादुर गुरुङलाई कालोमोसो समेत लगाईएको वताए ।
संघले उक्त जग्गामा भारतीय राजदुतावास मार्फत भारत सरकार भुपु सैनिक कल्याणकारी कोषबाट २० करोड समेत उपलब्ध भएको र अतिक्रमणकारीहरुको अवरोधका कारण निर्माण कार्य हुन नसकेको वताएको छ । हाल संघले उक्त स्थानमा संघ अन्र्तगतका विभिन्न भातृसंस्थाहरुको कार्यलय समेत रहने गरी बहुयद्धेश्यीय भवन निर्माण गर्ने लक्ष्य लिएको संघका सल्लाहकार नन्द बहादुर गुरुङले वताए ।
आफ्नो माग सुनुवाई गरिदिन आग्रह गर्दै संघले यहि साउन २७ गतेमात्रै जिल्ला स्थित विभिन्न राजनितिक दल एवं संघसंस्थाका नेता एवं प्रतिनिधिहरुलाई बोलाएर आफ्ना मागहरु राखेका थिए । कार्यक्रममा गण्डकी प्रदेशका सांसद मान ब. गुरुङ, नेपाली काँग्रेसका क्षेत्रीय सभापति राजेन्द्रमणि लामिछाने, नेकपा समाजवादीका सांसद चुडामणी जंगली, नेकपा समाजवादी गण्डकी प्रदेशका ईञ्चार्ज पाईलट कर्णेल मदन केसी, गोर्खा कम्यूनिटि कास्कीका अध्यक्ष मेजर लक्ष्मी प्रसाद गुरुङ, गोर्खा ब्रिगेट नेपालका ईञ्चार्ज कर्णेल कृष्ण बहादुर खत्री लगायतले सुकुम्बासी एवं अव्यवस्थीत बसोबासीलाई निश्चित विकल्प दिएर व्यवस्थापन गरिनुपर्नेमा जोड दिएका थिए ।
Discussion about this post