तत्कालीन लेखनाथ १ हाल पोखरा २९ भण्डारढिकमा खेलकुद गतिविधि गर्दै आएको आदर्श युवा क्लबले शनिबार नयाँ नेतृत्व चयन गरेको छ। क्लवको २५ औं साधारणसभा तथा १२ औं अधिवेशनले पदम गुरुङ लाई अध्यक्ष पदमा निर्वाचित गरेको हो।
नव निर्वाचित अध्यक्ष गुरुङले यस अघि सचिव पदमा रहेर उत्कृष्ट काम गर्दै आएका थिए।
हाल निवर्तमान अध्यक्ष बनेका लक्ष्मीप्रसाद भण्डारी सडक दुर्घटनमा परेपछि क्लबका गतिविधि शून्य जस्तै भएका थिए। क्लबले नयाँ नेतृत्व पाए संगै कास्कीको पुर्वी भेगमा रहेको लेखनाथ रंगशाला फेरि खेलकुदमय हुने अपेक्षा स्थानीय हरुले गरेका छन्।
पदाधिकारीमा सर्वसम्वत भएको समितिको उपाध्यक्षमा लक्ष्मण सुनार, सचिवमा ओमप्रकाश गुरुङ, सहसचिवमा लक्की पुन र कोषाध्यक्षमा उद्धव गिरी निर्वाचित भएका छन् ।
त्यस्तै सदस्यहरुमा भएको खुला निर्वाचनबाट सन्तोष गुरूङ, विज्ञान भण्डारी, विवेक गुरूङ, सुवास तामाङ र कुशल गुरूङ निर्वाचित भएका हुन् ।
निर्बाचित पदाधिकारीलाई पोखरा महानगर पालिका २९ का वडाध्यक्ष श्रीप्रसाद गुरुङ, लेखनाथ उद्योग वाणिज्य संघका अध्यक्ष छत्रधर अत्रेय, संस्थापक अध्यक्ष चेत बहादुर गुरुङ, पूर्व अध्यक्ष विजय गुरुङ र पूर्व अध्यक्ष नविन हमाल लगाएतले शुभकामना दिएका थिए ।
Discussion about this post