जोन ११ अन्तर्गतका लायन्स क्लबहरुको संयुक्त पदस्थापन

लेखनाथ, ३१ साउन । लायन्स क्लब ईन्टरनेशनल डिष्ट्रिक्ट ३२५ आई नेपाल अन्र्तगत जोन ११ अन्र्तगतका क्लबहरूको संयुक्त पदस्थापन कार्यक्रम सोमबार सम्पन्न भएको छ ।

पोखरा–२६ लेखनाथ स्थित नमस्ते पाटी प्यालेसमा आयोजित कार्यक्रममा लायन्स क्लब अफ लेखनाथ सेभेन लेकसिटी, लेखनाथ मेट्रो सिटी र लेखनाथ लेकसिटीका वर्ष २०२२÷२३ नवनिर्वाचित पदाधीकारीहरुलाई पदस्थापन गराईएको हो ।

कार्यक्रममा प्रमुख अतिथि डिष्ट्रिक्ट ३२५ आई नेपालका डिष्ट्रिक्ट गभर्नर रामबहादुर बसेलले ३ वटै क्लबका लायन बर्ष २०२२÷२३ का अध्यक्ष एवं पदाधिकारीहरूलाई पदस्थापन गराएका थिए भने डिष्ट्रिक्टका द्वित्तिय भाईस डिष्ट्रिक्ट गभर्नर बिनोद ढुङगानाले क्लब प्रवेश गरेका नयाँ सदस्यलाई लायनवादको परिचय सहित सपथ ग्रहण गराएका थिए ।

कार्यक्रममा लायन बर्ष २०२१/२२ का तिन वटै क्लबहरू लायन्स क्लब अफ लेखनाथ सेभेन लेक सिटी, लेखनाथ मेट्रो सिटी र लेखनाथ लेक सिटीका अध्यक्षहरू क्रमशः बद्रीनाथ भण्डारी, बलराम बराल र सुरजजंग ढुङगानाले आफ्नो कार्यकालमा भए गरेका कार्यक्रमहरुको विषयमा जानकारी दिएका थिए भने लायन बर्ष २०२२/२३ का अध्यक्षहरू क्रमशः गोबिन्द लामिछाने, उत्तम भण्डारी र बिजय भण्डारीले हालसम्म गरेका कार्य र भावी योजनाहरु प्रस्तुत गरेका थिए ।

पदस्थापन समारोहलाई सम्बोधन गर्दै प्रमुख अतिथि तथा पदस्थापन अधिकृत डिष्ट्रिक्ट गर्भनर राम बहादुर बसेलले लायन्सले समाजमा गरेका उत्कृष्ट सेवाका कार्यहरूको निरन्तरता र गर्न बाँकी रहेका सबै सेवा कार्यहरूलाई बर्ष २०२२/२३ मा अगाडी बढ़ाउदै ‘म टिमवर्कमा विश्वास गर्दछु’ (आई विलिभ ईन टिमवर्क) भन्ने नारालाई जोड दिंदै काम गर्न र सफल नेतृत्वको उदाहरण प्रस्तुत गर्न नव निर्वाचित अध्यक्षहरूलाई आग्रह गरेका थिए ।

गभर्नर बसेलले डिष्ट्रिक्टमा मनोनित लायन्स लिडरहरूलाई प्रदान गरिएको जिÞम्मेवारी उत्कृष्ट ढंगले सम्पादन गरेकोमा यही नै‘आई विलिभ ईन टिमवर्क’ नाराको उदाहरण भएको वताए । ‘मेरो डिष्ट्रिक्ट बलियो डिष्ट्रिक्ट’ र ‘एक पटकको लायन्स सधैको लायन्स’ भन्ने अभिप्रायका साथ क्लबका सम्पूर्ण सदस्यलाई स्थायी सदस्य बनाउन गभर्नर बसेलले आग्रह गर्दै नयाँ ढंगले मानव सेवाका कार्यमा उत्साह र हौसलाका साथ लाग्न अनुरोध गरे ।

कार्यक्रमका विशिष्ट अतिथि डिष्ट्रिक्ट ३२५ आई नेपालका प्रथम भाईस डिष्ट्रिक्ट गभर्नर चन्द्रकुमार केसीले डिष्ट्रिक्ट गभर्नरले ल्याएको कार्यक्रम लामो समयसम्म चल्ने र दिर्घकालिन सोचका साथ आएका बताउदै यसबर्षको नारालाई आत्मसाथ गर्दै उत्कृष्ट ढंगले कार्य सम्पादन गर्न अनुरोध गरेका थिए ।

डिष्ट्रिक्ट एडमिनिट्रेटर शैलेन्द्र मोहन भट्टराईले डिष्ट्रिक्ट गभर्नरले ल्याएका कार्यक्रमलाई उत्कृष्ट ढंगले सम्पादन गर्न क्लबका अध्यक्षहरूलाई आग्रह गरेका थिए ।

कार्यक्रमको पहिलो सत्रको अध्यक्षता सेभेन लेकसिटीका २०२१/२२ अध्यक्ष बद्रीनाथ भण्डारी र दोस्रो सत्रको अध्यक्षता २०२२/२३ लेखनाथ सिटीका अध्यक्ष बिजय भण्डारीले गरेका थिए भने पहिलो सत्रको सञ्चालन लायन्स क्लव अफ लेखनाथ मेट्रो सिटीका २०२१/२२ का सचिव सुरेन श्रेष्ठले र दोश्रो सत्रको सञ्चालन लायन्स क्लब अफ लेखनाथ सेभेन लेकसिटीका २०२२/२३ का सचिव सुधिरमणि लामिछानेले गरेका थिए ।

लायन कुशलबाबु लामिछानेले स्वागत गरेको उक्त कार्यक्रममा डिष्ट्रिक्ट चिफ एवं लायन्स क्लब अफ लेखनाथ सेभेन लेकसिटीका पूर्व अध्यक्ष गणेश ढुङगानाले धन्यवाद ज्ञापन गरेका थिए ।