बि सं २०७४ को स्थानीय चुनावमा पोखरा महानगरपालिकामा नेकपा एमालेले बहुमत वडा जितेको थियो भने बांकी वडाहरुमा नेपाली कांग्रेसले जितेको थियो।
महानगरको मेयरमा एमालेले जित्दा वडा नं २७ मा कांग्रेसका पुर्ण कुमार गुरुङले जित हात पारेका थिए। फरक राजनैतिक पार्टी भएपछि सहयोग कम नै हुने भयो।
खरो स्वभावका गुरुङको छोरा पुर्णले हरेक पटक फरक पार्टी मेयरलाई चुनौती दिदै निरन्तर काम गरेका थिए। उनै गुरुङ नयाँ टिम लिएर वडा अध्यक्ष पदमा आफ्नो कार्यकाल फेरी दोहोर्याउन आएका छन्।
आफ्नो पाँच वर्षे कार्यकालको समिक्षा गर्दै उनले आफुले वडा नं २७ को विकासमा कुनै कसुर वाँकी नराखेको वताए । उनले पहिलेको वडा कार्यालयमा महानगरको कोभिड अस्पताल सञ्चालन गर्न दिईएको र वडा कार्यालय भाडामा सञ्चालनमा रहेको वताए ।
आगामी ५ वर्षमा वडा कार्यालय भवन निर्माण गर्ने लगायत अन्य विकास निर्माणको कामहरु गर्ने जानकारी गराए । तालचोक देखी वेगनासताल सम्मको वाटो निर्माण आफ्नो प्राथमिकता रहेको र त्यस वारेमा महानगरमा निरन्तर दवाव दिँदै आएको समेत वताए ।
आगामी ५ वर्षमा साविक लेखनाथको मुख्य वजार रहेको तालचोक र अघौं चोकमा व्यापारिक हव वनाउने र कवि शिरोमणी लेखनाथ पौडेलको जन्मस्थललाई पर्यटकिय आकर्षण केन्द्रको रुपमा विकास गर्दै लैजानेमा आफ्नो उदेश्य रहेको वताए।
नेकपा माओवादी केन्द्र र नेकपा समाजवादी पार्टी सँग गठवन्धन गर्दै सहकार्य र समझदारीमा आफुले चुनाव जिते पनी एमाले पार्टी सँग सल्लाह गर्दै एकिकृत विकासका योजना आफूसँग रहेको गुरुङ्ग वताउँछन् ।
पोखरा २७ मा गठबन्धनको कांग्रेस बाट वडा अध्यक्ष उम्मेदवार गुरुङ्ग संगै वडा सदस्य हरुमा कांग्रेसबाटै खुला सदस्यमा सुर्य बहादुर वाग्ले, जितेन्द्र क्षत्री र दलित महिला सदस्यमा लक्ष्मी बिक हुन् भने नेकपा माओवादी केन्द्र बाट महिला वडा सदस्यमा देवि माया अधिकारी रहेकी छन् ।
Discussion about this post