सचिन रानाभाट,
बैशाख २१, लेखनाथ
आसन्न स्थानिय निकायको निर्वाचनमा पोखरा महानगर पलिका वडा नं २६ मा नेपाली कांग्रेस को तर्फ बाट उम्मेद्वार हरु घर दैलो गर्ने कार्यक्रम जारी रहेको छ ।
नेपाल तरुण दलका कास्की जिल्ला सचिव समेत रहेका नरेन्द थापा (नरेन) को टिम यतिबेला पोखरा २६ का जनता हरुको मन र मत माग्दै घर दैलो गरिरहेका छन् ।
उम्मेद्वर थापा भन्छन् ‘मेरो उम्मेद्वारी पोखरा २६ लाई समृद्ध वडा बनाउने हो । बिगतका दिनलाई फर्केर हेर्ने हो भने बि सं २०५४ र २०७४ को स्थानिय चुनावमा एमालेले जितेर व्यक्तिगत तथा पार्टिका कार्यकर्ता लाई मात्र पोस्ने काम भएको कुरा छाताछुल्ल देखिन्छ ।’
“पोखरा २६ को राखीमा अझै सम्म पनि राम्रो बाटो बन्न सकेको छैन भने सिलिङे हुँदै सांघुको मुखले जनप्रतिनिधी भएको महसुस गर्न सकेको छैन । त्यसैले हाम्रो जुझारु टिमले अबको ५ बर्षको नेतृत्व लिएर बिकास र समृद्धिको आभास दिने प्रतिबद्धता व्यक्त गरेका छन् ।”
उनी भन्छन् –‘मलाई धेरै बनावटी कुरा गर्न आउँदैन। जे जे गर्न सकिन्छ त्यो त्यो मात्र बोल्ने हो। सर्वप्रथम हाम्रो वडामा शिक्षा र स्वास्थ्यलाई कम्तिमा नि:शुल्क वा सर्वशुलभ बनाउनु छ ।
बिपन्नहरुलाई स्वास्थ्य उपचारमा सहजीकरणका लागि बिपन्न परिवारलाई वडाले स्वास्थ्य बिमा गर्ने योजना छ । वडालाई सहि व्यबस्थापन गर्न नसक्दा खास समस्याहरु आएका हुन त्यसलाई व्यबस्थीत संचालन गर्ने मेकानिजम हाम्रो टिम संग छ ।’
वडा सदस्यमा तिर्थ बहादुर राज भाट, सुदिप राज ढुंगाना, महिला वडा सदस्यमा लक्ष्मी देवी भट्टराई र दलित महिला सदस्यमा सुजता बराल सुनार रहेका छन् ।
Discussion about this post