लेखनाथमा जेसिज नाईट हुने

रामशरण नेपाली
लेखनाथ l चैत ६
लेखनाथ महोत्सव समापनको भोलीपल्ट चैत्र ८ गते मंगलवार लेखनाथ जेसीजको आयोजनामा लेखनाथ महोत्सव स्थल डाडाँको नाकमा सांगितिक कार्यक्रम ‘जेसिज नाईट–२०७८’ लाईभ कन्र्सट हुने भएको छ ।

स्थानीय व्यापारी एवं उद्यमीहरुको बजार प्रर्वद्धनका लागी टेवा पु¥याउने मुख्य उद्धेश्यले आयोजना गरिएको कार्यक्रममा राष्ट्रिय ख्याती प्राप्त कलाकारहरु दिपक बज्राचार्य एण्ड द रिदम ब्याण्ड र छेवाङ लामाले आफ्ना चर्चित गितहरु गाउनेछन भने एलिना रायमाझीको उत्कृष्ट नृत्य र स्थानीय कलाकारहरुको समेत प्रस्तुती रहने कार्यक्रम संयोजक रोशन अधिकारीले जानकारी दिए ।

जारी लेखनाथ महोत्सव सकिएको भोलीपल्ट नै आयोजना गरिने कार्यक्रम दिउँसो ४ बजेबाट शुरु गरीने आयोजक क्लवका अध्यक्ष सुजन न्यौपानेले आईतबार आयोजित पत्रकार सम्मेलनमा जानकारी गराएका हुन् ।

कार्यक्रमको मुख्य प्रायोजन पोखरा ईन्टरनेटले गरेको छ भने टिकट तथा ब्यानर प्रायोजनमा रुपा मार्केट पोखरा–२९, फेशन पार्टनरमा बारकोड (प्रिमियम डेनीम कम्पनी), रेष्टुरेण्ट पार्टनरमा सेन्टरलाईन रेष्टेरेण्ट एण्ड बार तालचोक, क्लोथिङ पार्टनरमा अप्सन्स कल अप्सन तालचोक, ड्रिङकिङ पार्टनरमा रेनड्रप पिउने पानी, सहयोगी संस्थामा मेरीना कन्सट्रक्सन र मिडिया पार्टनरमा लेखनाथ खबर डट कम रहेका छन ।

कार्यक्रम सम्पन्न गर्नको लागि १५ लाख ६५ हजार खर्च लाग्ने र २३ लाख ५० हजार आम्दानी हुने आयोजकको लक्ष्य छ भने यसबाट हुने वचत रकम बहुआयामीक सुविधा सम्पन्न तालिम हल तथा सेमिनार हल निर्माणमा खर्च गरिने समेत आयोजकले जनाएको छ ।

लेखनाथ जेसिजका अध्यक्ष सुजन न्यौपानेको अध्यक्षतामा भएको कार्यक्रममा लेखनाथ उद्योग बाणिज्य संघका अध्यक्ष छत्रधर आत्रेयले सवैको साथ र सहयोगले सागीतिक कार्यक्रमलाई सफल बनाउनु पर्ने सुझाव राखेको कार्यक्रमको संचालन जेसिजका महासचिव कृष्ण तिवारीले गरेका थिए ।