लेखनाथ, १६ माघ
सहिदहरुको त्याग, योगदान र बलिदानलाई सम्मान गर्दै, लेखनाथ जुनियर जेसीजले लेखनाथ जुनियर जेसीज -२०२२ का अध्यक्ष जु.जेसी सताब्दी लामिछानेको अध्यक्षतमा र सामाजिक व्यक्तित्व एबं पोखरा -३० रेडक्रस समाजका सभापति विश्व मोहन पाैडेलको प्रमुख आतिथ्यमा “दिप प्रज्वलन कार्यक्रम” समापन गरेको छ।
कार्यक्रममा लेखनाथ जेसीजका पुर्व अध्यक्ष जे.सि चिरञ्जीवी न्यौपाने, लेखनाथ जेसिज वर्ष २०२२ का अध्यक्ष जे सी सुजन न्यौपाने, लेखनाथ जेसिज वर्ष २०२२ का महासचिव जे.सि कृष्ण तिवारी, लेखनाथ जुनियर जेसीज २०२० का अध्यक्ष जे.सि सुजन तिमिल्सिना, लेखनाथ जुनियर जेसिज वर्ष २०१९ का अध्यक्ष जे.सि सर्बिन्द्र न्यौपाने को विशेष आतिथ्य रहेको थियो।
यसै गरी सामाजिक व्यक्तित्व मोहन प्रदान, शंकर पौडेल ज्यूहरुको पनि विशेष आतिथ्य रहेको थियो। साथसाथै प्रहरी निरीक्षक हिरा थापा मगर , प्रहरि जवान प्रविन थापा र प्रहरी जवान करण बहादुर चन्द को पनि आतिथ्यता रहेको थियो।
सहिदहरुलाई स्मरण गर्दै प्रमुख अतिथी, र सभाध्यक्ष साथसाथै विशिष्ट अतिथिद्वारा सहिदहरुको तस्वीरमा पुष्प अर्पण गरी कार्यक्रमको समुद्घाटन भएको हो। पावरहाउस स्थित चोकमा नेपालको नक्सा, राष्ट्रिय झण्डा को चित्र कोरी मैनबत्ती प्रज्वलन गरि कार्यक्रम सम्पन्न भएको छ। यस कार्यक्रमको संयोजकत्व जु.जेसी सौरभ खत्रीले गरेका हुन् भने, कार्यक्रम सञ्चालन जु.जेसी सजिना पौडेलले गरेकि हुन।
Discussion about this post