लेखनाथ,१८ पुस ।
लेखनाथ जेसिज र लेखनाथ जुनियर जेसिजको वर्ष २०२२ का पदाधिकारीहरुलाई आईतवार एक कार्यक्रमका विच पदस्थापन गराईएको छ ।
संयुक्त रुपमा आयोजित पदस्थापन समारोहमा लेखनाथ जेसिज वर्ष २०२१ का अध्यक्ष नवराज पौडेलले वर्ष २०२२ का अध्यक्ष सुजन न्यौपानेलाई र लेखनाथ जुनियर जेसिज वर्ष २०२१ की अध्यक्ष शिवानी केसी ले वर्ष २०२२ का अध्यक्ष शताब्दी लामिछानेलाई पद तथा गोपनीयताको सपथ ग्रहण गराई पदस्थापन गराएका हुन् ।
कार्यक्रममा बोल्दै नेपाल जेसिजका केन्द्रिय अध्यक्ष लालमणि भण्डारीले जेसिजले ब्यत्तित्व र नेतृत्वमा निखारपन ल्याउदै भातृत्वको विकास गराउन सहयोग पु¥याउने भएकाले युवाहरुलाई जेसिजको माध्यमबाट व्यवसायीक रुपमा पनि सफल बन्नुपर्ने वताएका थिए ।
सोही अवसरमा लेखनाथ उद्योग बाणिज्य संघका अध्यक्ष छत्रधर आत्रेयले जेसिज र संघ विचको सहकार्यमा दुवै सस्थाको रजत उत्सव मनाउन सकिने सुझाव राख्नु भएको थियो भने लेखनाथ जेसिजका सस्थापक अध्यक्ष बाबुराम जमरकट्टेलले नेपाल जेसिजले आयोजना गर्ने राष्ट्रिय स्तरका कार्यक्रमलाई लेखनाथमा आयोजना गर्न अनुरोध गर्दै आफनो तर्फबाट सक्दो सहयोग हुने प्रतिवद्धता व्यक्त गरेका थिए ।
लेखनाथ जेसिजका अध्यक्ष सुजन न्यौपानेको अध्यक्षतामा भएको कार्यक्रममा पोखरा जेसिजका अध्यक्ष मिनराज खड्का, लेखनाथ जेसिजका पुर्व अध्यक्ष चिरञ्जीवि न्यौपाने, अर्जुन ओझा र निर्वतमान महासचिव चन्द्रप्रकाश ढुगाना लगायतले जेसिज अभियानका बारेमा जानकारी गराएका थिए ।
सोही अवसरमा लेखनाथ जेसिजका पुर्व अध्यक्ष लक्ष्मीप्रसाद त्रिपाठीद्धारा स्थापित दिननाथ अवाडबाट प्रकाश राईभाट र नेत्रपाणी वास्तोलाद्धारा स्थापित नम्रता सम्मेलन अवार्ड उत्तम भण्डारीलाई प्रदान गरिएको थियो ।
Discussion about this post