डायमण्ड मावि मा उत्प्रेरणात्मक तालिम

सुमन जिसी
लेखनाथ, ११ कार्तिक ।
पोखरा महानगरपालिका २७ तालचोक स्थित डायमण्ड मावि मा विद्यार्थीहरूको लागि एक दिने उत्प्रेरणात्मक तालिम सम्पन्न भएको छ ।
कक्षा ६ देखि १२ सम्म का विद्यार्थीहरू का लागि नेपालका ख्यातिप्राप्त उत्प्रेरक रवि किरण श्रेष्ठ द्वारा २ चरण मा ७७५ जना विद्यार्थी लाई सो तालिम प्रदान गरिएको हो । उक्त तालिमको अवसरमा केही नयाँ काम गर्न पुरानो बानी र व्यवहार छोड्नुपर्ने, आफ्नो सम्बन्ध मा आफू नै सबै भन्दा बढी जानकार हुने हुनाले अरूले गर्ने टिप्पणी भन्दा आफ्नो सोच र व्यवहार मा विश्वास गर्ने, बाहिरी रूप जे जस्तो छ त्यसलाई स्वीकार गरेर गुण र चरित्र को विकास मा जोड दिनुपर्ने, जीवन मा सङ्गत को गहिरो असर पर्ने हुनाले आफ्नो उद्देश्य मा सहयोगी हुने साथी को चयन गर्नुपर्ने, शिक्षा दिने शिक्षक र जन्म तथा कर्म दिने बाबू–आमा प्रति सदा विनम्र बन्नुपर्ने जस्ता विचार लाई बडो प्रभावकारी रूप मा अनुभूति हुने गरी प्रस्तुत गरिएको विद्यालयका संस्थापक व्यवस्थापक प्रमुख हरिप्रसाद लामिछानेले जानकारी दिनु भएको छ ।

शुभम् पार्टी प्यालेस मा सम्पन्न गीत, सङ्गीत र ध्यानको संयोजन द्वारा तालिममा प्राप्त सन्देश विद्यार्थी को अनुभूति को गहिराइ सम्म पुगेको विचार सहभागी कक्षा १० मा अध्यन गर्ने विद्यार्थी आर्यन जिसीले व्यक्त गरेका थिए । तालिम निकै नै फलदाई रहेको र तालिममा सिकेको कुरा जिवनका लागि उपयोगि रहेको समेत धारणा व्यक्त गरेका थिए । कार्यक्रम मा विद्यालयका संस्थापक प्रिन्सिपल यम वहादुर रोकाले स्वागत र विद्यालयका संस्थापक निर्देशक माधवशरण उपाध्यायले धन्यवाद मन्तव्य राख्नु भएको थियो ।