असोज २४, लेखनाथ । पोखरा–२६ स्थित जनप्रिय सहकारी संस्था ४६ औं वर्षमा प्रवेश गरेको छ । वि.स २०३३ मा जनप्रिय साझा को रुपमा स्थापीत सहकारीले स्थापना दिवसको अवसर पारेर आईतबार विजया दशमी, दिपावली, नेपाल संवत एवं छठपर्वको शुभकामना आदान प्रदान कार्यक्रम सम्पन्न गरेको छ ।
कार्यक्रमलाई सम्बोधन गर्दै पोखरा महानगरपालिका वडा नं २६ का अध्यक्ष नारायण प्रसाद वरालले सहकारी अव उत्पादन संग जोडिनु पर्ने वताएका थिए ।
सहकारीले सञ्चालन गरेको कृषि सामाग्री पसलबाट स्थानीय कृषकहरु लाभान्वित भएको र आगामी दिनमा अझ व्यवस्थीत एवं आधुनिकरण गर्दै लानुपर्ने वताएका थिए ।
कार्यक्रममा वचत संघ कास्कीका उपाध्यक्ष श्री श्रीकान्त ढुङ्गाना, जल्धारे जेष्ठ नागरीक दिवा सेवा केन्द्रका संयोजक मनोहरी ढुङ्गाना, संस्थाका सल्लाहकार खगेन्द्रराज आचार्य लगायतले शुभकामना मन्तव्य व्यक्त गरेका थिए ।
संस्थाले सामाजिक उत्तरदायित्व अन्तर्गत विभिन्न कार्य गर्दै आएकोमा यस वर्ष स्थापना दिवसको अवसरमा जल्धारे जेष्ठ नागरीक दिवा सेवा केन्द्र संचालनका लागि १ थान दराज र ३ थान सिलिङ्ग पंखा सहयोगस्वरुप प्रदान गरेको छ ।
कार्यक्रममा प्रतिनिधि मुलक रुपमा संस्थाका संचालक, सल्लाहकार, पुर्व संचालक, लेखा सुपरिवेक्षण समिति तथा विभिन्न उप समिति, कर्मचारी एवं पत्रकारहरुको उपस्थिती रहेको थियो ।
संस्थाका अध्यक्ष मुरारी वरालको सभापतित्वमा सम्पन्न कार्यक्रममा उपाध्यक्ष रविन्द्रमोहन अधिकारीले स्वागत, समितिका सदस्य सरस्वती गौतमले सहकारीका सात सिद्धान्त वाचन र कार्यक्रमको संचालन संस्थाका सचिव जगन्नाथ तिमिल्सेनाले गरेका थिए ।
मानिसका असिमित आवश्यकताहरुको जनजिवनलाई सहज पार्दै सहकार्यको माध्यमबाट छरिएर रहेको सानो पुँजीलाई एकिकृत गर्दै आएको थियो । उक्त पुँजी उत्पादन र शेयर सदस्यहरुको हितमा प्रयोग गर्दै आएकोमा हाल संस्थाले वचत तथा ऋण कार्यलाई अगाडि वढाउदै आएको छ ।
Discussion about this post