सुमन जिसी
लेखनाथ, असोज २४ । चेतनशिल आर्दश युवा क्लव पोखरा–३० को आयोजनामा यहि असोज २३ र २४ गते आयोजित दोश्रो हिमाल एण्ड रक्षा मेमोरियल टोल कप फुटसल प्रतियोगिताको उपाधि महादेव ए क्लवले जितेको छ ।
पोखरा–२७ तालचोकमा रहेको काईट स्र्पोटस क्लव फुटसलमा आयोजना गरिने प्रतियोगितामा रोयल फुटबल क्लबलाई १ का बिरुद्ध ३ गोलको अन्तरमा जित निकालदै दोश्रो हिमाल एण्ड रक्षा मेमोरियल टोल कप फुटसल उपाधि हात पारेको हो । उपाधि सगै महादेव ए क्लवले नगद रु २० हजार, शिल्ड मेडल र प्रमाणपत्र प्राप्त गरेको छ भने उपबिजेता बनेको रोयल फुटबल क्लबले नगद रु १२ हजार मेडल र प्रमाणपत्र प्राप्त गरेको क्लवका अध्यक्ष किशोर सुवेदीले जानकारी दिए ।
विभिन्न विधामा उत्कृष्ट बन्न सफल भएका खेलाडीहरुलाई समेत पुरस्कार बितरण गरिएको प्रतियोगितामा उत्कृष्ट गोलकिप्परको उपाधि किरण परियार, उत्कृष्ट डिभेन्सको उपाधि संजिव गुरुङ्ग, उत्कृष्ट मिडफिडमा मनु गुरुङ्ग, उत्कृष्ट फरवाडको उपाधि आशिस गुरुङ्ग, प्रतियोगितामा धेरै गोल गर्ने खेलाडीको उपाधि सुबास नेपालीले हात पार्दा उत्कृष्ट खेलाडीको उपाधि सुमन गुरुङ्ग, निष्पक्ष खेल र्भेटान सी क्लवले जितन सफल भएको चेतनशिल आर्दश युवा क्लवका सचिब सर्बेन्द्र न्यौपानेले जानकारी दिए ।
सडक दुर्घटनामा परि निधन भएका स्थानीय खेलाडीहरु हिमाल गुरुङ्ग र रक्षा गुरुङ्ग को स्मृतिमा दोश्रो पटक आयोजना गरिने प्रतियोगितामा १८ टिमको सहभागीता रहेको प्रतियोगिताका संयोजक बिक्कि गुरुङ्गले वताए ।
Discussion about this post