बेगनासकोटलाइ हाइकिङ गन्तव्य बनाउन नाटाको पहल

स्मीता अधिकारी
पोखरा, १३असोज
४२ औं बिश्व पर्यटन दिवशको अवसरमा नेपाल एशोसियसन फर ट्राभल एण्ड टुर्स एजेन्सीज (नाटा)ले पोखरा ३१ मा पर्ने बेगनासकोटमा एक दिने हाइकिङ सम्पन्न गरेको छ । बेगनासताल देशकै महत्वपुर्ण पर्यटकिय स्थल भएर पनि यस आसपासका क्षेत्र ओझेल परेको भन्दै यो हाइकिङ आयोजना गरिएको नाटाका अध्यक्ष संजयकान्त सिग्देलले जानकारी दिनुभयो ।
नाटाले विगतका वर्षहरु देखिनै यात्रा मार्फत नयाँ नयाँ गन्तव्य पहिचान र पर्यटन प्रवद्र्धन गर्न समय समय मा हाइकिङ कार्यक्रम आयोजना गर्ने गरेको छ । यसै बिच सोमबार बिश्व पर्यटन दिवसको अवसरमा बेगनासतालको मुहान स्याङखुदि देखि खनास्वारा, सिमलपाटा, गोल्थेपानी हुँदै बेगनासकोट सम्म करिव ५ किलोमिटर उकालो बाटो पैदल यात्रा गरिएको थियो ।
गण्डकी प्रदेशमा ट्राभल एण्ड टुर्ससँग सम्बन्धित बिभिन्न ४० जना पर्यटन व्यवसायि उक्त हाइकिङमा सहभागि थिए ।
यसै विच बेगनासकोटमा स्थानीयवासीहरुले बाजागाजा सहित उक्त हाइकिङ टोलिलाइ स्वागत गरेका थिए । बेगनास कोटभैरव क्षेत्र विकास संस्था, कोटबारी आमा समुह, इन्द्रेणी आमा समुह लगायतले स्वागत तथा फुलमाला गरेका थिए ।
बेगनास कोट एतिहासीक तथा धार्मीक महत्व बोकेको क्षेत्र हो । तत्कालिन बाइसे चौविसे राजाले शासन गरेको ठाउँ , दशैंको बेला बलि दिने ठाउँ पनि हो । यहाँबाट बेनासतााल र रुपाताल लगायत पोखराका बिभिन्न रमणीय ठाउँको दृष्यावलोकन गर्न सकिन्छ ।

यसै विच कार्यक्रमलाइ सम्बोधन गर्दै पोखरा वडा नं ३१ का वडाध्यक्ष कमल बहादुर थापाले यस ठाउ को प्रवद्र्धनका लागि स्थानीयवासीले साथ दिएकोमा खुशि व्यक्त गर्नुभयो । यसलाइ पोखराकै उत्कृष्ट गन्तव्यस्थल बनाउन सरोकारवालासँग हातेमालो गरेर अघि बढ्ने प्रतिवद्धता व्यक्त गर्नुभयो । यसैविच उक्त कार्यक्रममा बोल्दै स्थानीय युवा समाजसेवी श्रीराम कँडेलले संभावना भएर पनि बेगनासकोट ओझेल परेको भन्दै यो ठाउँलाइ उकास्न प्रदेश स्तरिय पर्यटन व्यवसायिहरुले चासो देखाएको भन्दै खुसी व्यक्त गर्नुभयो ।
नाटाका अध्यक्ष संजयकान्त सिग्देलको अध्यक्षतामा भएको उक्त कार्यक्रममा कोट भैरव धार्मीक क्षेत्र विकास संस्थाका अध्यक्ष भुपेन्द्र रानाभाट, लेखनाथ उद्योग बाणिज्य संघका अध्यक्ष छत्रधर आत्रेय , लेखनाथ होटल एशोसियसनका अध्यक्ष अर्जुन लम्साल, नाटाका सदस्य सुशिला अधिकारी सिग्देल लगायतले बोलेका थिए ।