किशोर परियार
१४ असोज, लेखनाथ ।।
बडा दशैको अवसर पारी चेतनशिल आदर्श युवा क्लबको आयोजनामा दोस्रो हिमाल एण्ड रक्षा मेमोरियल टोल कप फुटसल प्रतियोगिता हुने भएको छ ।
असोज २३ र २४ गते पोखरा–२७ तालचोक स्थित काइट्स स्पोर्टस फुटसलमा हुन लागेको उक्त प्रतियोगिताको बिजेता र उपविजेताले क्रमशः नगद रु. २० हजार, र रु. १२ हजार रुपैयाँसहित ट्रफी, मेडल र प्रमाणपत्र प्राप्त गर्ने क्लवका अध्यक्ष किशोर सुवेदीले बताए ।
प्रतियोगितामा सहभागि हुन चाहने टिमले २ हजार रुपैयाँसहित टिम दर्ता गर्नुपर्ने हुन्छ । खेलमा सहभागी हुने टिममा १० जना खेलाडी हुनेछन् जसमा चार जना खेलाडी बाहिर राख्न पाइने ब्यवस्था गरिएको छ । यस्तै प्रतियोगिताको उत्कृष्ट गोलरक्षक र सर्वाधिक गोलकर्ता उत्कृष्ट मिडफिल्डर, उत्कृष्ट इस्ट्राइगरलाई आकर्षक ट्रफी साथै प्रत्येक खेलमा म्यान अफ दि म्याच प्रदान गरिने क्लवका सचिव सर्बेन्द्र न्यौपानेले जानकारी दिए ।
प्रतियोगितामा साबिक लेखनाथ ८ र हाल पोखरा महानगरपालिका ३० न. वडा का बिभिन्न टोलका टिमले मात्र सहभागिता जनाउन पाउने छन् ।
सडक दुर्घटनामा परि निधन भएका क्लबका सदस्यहरु हिमाल गुरुङ्ग र रक्षा गुरुङ्ग को स्मृतिमा दोश्रो पटक आयोजना गरिएको खेलमा करिब २० टिमको सहभागिता हुने अपेक्षा रहेको कार्यक्रम संयोजक बिकी गुरुङले बताए ।
Discussion about this post