भदौ ३०, लेखनाथ – लेखनाथ उद्योग वाणिज्य संघको १३ औं महाधिवेशनमा सदस्य पदका उम्मेद्वार ध्रुव बाबु भट्टराईलाई सदस्य पदमा जिताउन वस्तुगत संघमा आवद्ध व्यबसायीहरुले सघाउने बताएका छन्।
बस्तुगत संघ अन्तर्गत वेगनासताल बजार व्यबस्थापन समिति, लेखनाथ होटल तथा रेस्टुरेण्ट एसोसियसन लेखनाथ, लेखनाथ फेब्रीकेटर्स एसोसियसन, लेखनाथ निर्माण व्यबसायी समिति, लेखनाथ फर्निचर व्यबसायी संघ तथा लेखनाथ हार्डवयर एसोसियसनको संयुक्त भेलाले सदस्य पदमा जिताउन ऐक्यबद्धता रहेको जनाएका छन् ।
व्यबसायिक हक हितको सुनिश्चितता, सक्षम नेतृत्व आजको आवश्यकता भन्ने नाराका साथ भट्टराई चुनावी मैदान उत्रेका छन्। बस्तुगत संघ अन्तर्गत करिब ४ सय व्यबसायी आवद्ध रहेका छन्।
आफु विजयी भए व्यवसायीहरुको समस्यालाई उद्योग वाणिज्य संघको माध्यमबाट सम्बन्धीत निकायमा पुर्याई समाधान गर्न पहल गर्ने, कृषि उपज खरिद विक्रि केन्द्रलाई पुर्ण रुपमा सञ्चालन गर्न जोड दिने र लेखनाथ क्षेत्रको पर्यटन र औधोगीक विकासका लागी विभिन्न योजना ल्याउने उनले वताएका छन ।
आई डि कन्स्ट्रक्सनका संचालक रहेका भट्टराई लेखनाथ उद्योग वाणिज्य संघको वर्तमान सदस्य तथा विभिन्न सामाजिक संघ संस्थामा समेत आवद्ध रहेका छन् । उद्योग वाणिज्य संघको १३ औं महाधिवेशन यहि असोज २ गते हुँदैछ।
Discussion about this post