रामशरण नेपाली
लेखनाथ, २९ भदौ । यहि असोज २ गते हुन गईरहेको लेखनाथ उद्योग वाणिज्य संघको १३ औं महाधिवेशनको लागी वर्तमान कार्यसमितिका महासचिव गोपिचन्द्र बाँस्तोलाले द्धितीय उपाध्यक्षमा आफ्नो उम्मेद्वारी दर्ता गराएका छन ।
“सिर्जनशीलता, उद्यमशीलता र आर्थिक समृद्धि आजको आवश्यकता” भन्ने नारा लिएर चुनावी मैदानमा उत्रीएका बाँस्तोलाले २०६८ सालदेखी उप–समिति सदस्य हुँदै कार्यसमिति सदस्य, कोषाध्यक्ष, उप–महासचिव र महासचिव लगायतका भुमिकामा संघमा योगदान दिईसकेका छन ।
करिब १० वर्ष संघमा विताईसकेका बाँस्तोलाले लेखनाथ क्षेत्रमा औधोगिक क्षेत्रको व्यवस्था, कृषि र पर्यटनको विकास एवं कोरोना महामारीले थलिएका व्यवसायको पुर्न उत्थानलाई आफ्नो मुख्य चुनावी एजेण्डा बनाएका छन ।
पोखरा २७ डाडाकोनाकमा संचालित कृषि उपज तथा खरिद बिक्री केन्द्रलाई व्यबस्थित गर्ने चुनौती देखि पर्यटकको केन्द्र वेगनास र रहेका सात ताल लाई प्रवर्द्धन गर्न विभिन्न निकाय संग समन्वय गर्ने मुख्य जिम्मेवारी रहेको बास्तोला बताउँछन्।
निर्वाचनमा आफ्नो जित सुनिश्चित भएको बताउँदै उनले भने–“मैले हरेक व्यवसायीहरुका पिर मर्कामा प्रत्यक्ष रुपमा सहभागी भएर साथ दिएको छु भने उनीहरुका समस्याहरुलाई पनी नजिकबाट नियाल्ने मौका पाएको छु । त्यसैले पनि उहाँहरुले यसपालिको निर्वाचनमा मलाई पुनः संघमा रहेर काम गर्ने मौका दिनुहुनेछ भन्ने कुरामा विश्वस्त छु ।”
संघमा सम्पुर्ण व्यवसायीहरुको एकता रहेका कारण देशकै “क” वर्गको उत्कृष्ट वाणिज्य संघ बन्न सफल भएको वताएका बाँस्तोलाले आगामी दिनहरुमा यो एकतालाई अझै मजबुत बनाएर लैजाने कार्यमा निरन्तर जुट्ने वताएका छन ।
पेशाले हार्डवेयर व्यवसायी रहेका बाँस्तोला लेखनाथ हार्डवेयर एसोसियसनको सल्लाहकार हुन भने लेखनाथ सामुदायीक सेवा केन्द्रका आजीवन सदस्यको रुपमा सामाजीक क्षेत्रमा संलग्न छन । संघको २५ औं साधारणसभा तथा १३ औं महाधिवेशन यहि असोज १ र २ गते तोकिएको छ
Discussion about this post