लेखनाथमा खुदी खोलाले बगाउँदा १ पुरुषको मृत्यु

उत्तम सुनार
लेखनाथ , १८ भदौ | लेखनाथमा खोला तर्ने क्रममा खोलाले बगाउँदा एक जनाको ज्यान गएको छ ।  शुक्रबार बिहान बेगनासतालबाट बगेर आएको खुदी खोला तर्ने क्रममा स्थानीय ६० बर्षिय रमेश मगरको ज्यान गएको हो ।

खोला तरेर गगनगौडा तर्फ जाने क्रममा उनलाई खोलाले बगाएर करिब ३० – ३५ मिटर तल पुरयाएको अवस्थामा स्थानीयले देखेपछि उनको उद्धार गरिएको थियो । उद्धारपछि उनलाई पोखरा–३० मा रहेको शिशुवा अस्पतालमा लागिएकोमा चिकित्सहरुले उनलाई १२ः३० बजे मृत घोषणा गरेका थिए । हाल घटनाको बारेमा थप अनुसन्धान भैरहेको प्रहरीले जानकारी दिएको छ ।