लेखनाथ, ११ भदौ । लेखनाथ जेसिजले आफ्नो सप्ताहव्यापी कार्यक्रम अन्र्तगत शुक्रबार स्वास्थ्य सामग्री वितरण गरेको छ । क्लवले पोखरा–२७ स्थित कोभिड उपचार केन्द्रमा मास्क, सेनीटाईजर, तातो पानी तताउने डिस्पेन्सर, जार लगायतका सामग्री सहयोग गरेको हो ।
स्वास्थ्य सामग्री हस्तान्तरण गर्दै पोखरा–२७ का वडाध्यक्ष पुर्ण कुमार गुरुङ्गले क्लवले गरेको कार्यको प्रशंसा गर्दै आगामी दिनहरुमा पनि यस्ता कार्यलाई निरन्तरता दिन आग्रह गरेका थिए ।
यस्तै सहयोग सामग्री ग्रहण गर्दै कोभिड उपचार केन्द्रकी ईञ्चार्ज प्रतिमा कोईरालाले धन्यवाद व्यक्त गर्दै विषम परिस्थितिमा अन्य संघसंस्थाहरुबाट पनि सहयोगको अपेक्षा गरेको वताईन ।
कार्यक्रममा लेखनाथका जेसीजका पुर्व अध्यक्ष विनोद प्रसाद लामिछाने, लेखनाथ सामुदायिक सेवा केन्द्र एवं प्रहरी सेवा का अध्यष त्रिलोचन लामिछाने लगायतले शुभकामना मन्तव्य व्यक्त गरेका थिए ।
क्लवका अध्यक्ष नवराज पौडेलको सभापतित्वमा सम्पन्न कार्यक्रममा कार्यक्रमका संयोजक रेजन जिसीले स्वागत गरेका थिए भने कार्यक्रमको सञ्चालन महासचिव चन्द्रप्रकाश ढुंगाना र धन्यवाद ज्ञापन निर्वतमान अध्यक्ष चिरञ्जीवी न्यौपानेले गरेका थिए ।
Discussion about this post