लेखनाथ, १२ भदौ । लेखनाथ उद्योग वाणिज्य संघको ईतिहासमै पहिलो पटक महासचिव पदमा महिलाको उम्मेद्वारी परेको छ । संघको आसन्न १३ औं महाधिवेशनमा महासचिव पदमा पोखरा–३२ की मेनुका श्रेष्ठले उम्मेदवारी दर्ता गराएकी हुन ।
वि. सं.२०७० सालमा कार्यसमिति सदस्य हुँदै उद्योग वाणिज्य संघ प्रवेश गरेकी श्रेष्ठ ३ कार्यकाल कार्यसमिति सदस्य बनेर निरन्तर संघलाई महत्वपुर्ण योगदान दिएकी छिन ।
उम्मेदवारी दर्ता गरेसँगै आफुले संघमा रहेर बटुलेको अनुभवलाई प्रयोग गर्दै आगामी दिनहरुमा महिला उद्यमीहरुलाई प्रोत्साहन गर्दै स्वरोजगार तथा व्यवसायी बनाउने प्रतिवद्धता व्यक्त गरेकी छिन ।
सृजनशिलता र उद्यमशिलता, आर्थिक सम्मृद्धि, सामाजीक रुपान्तरणको आवश्यकता भन्ने नारा लिएर चुनावी प्रचार प्रसारमा उत्रिएकी श्रेष्ठले कार्यसमिति सदस्य पदमा रहँदा सामाजीक संघ संस्था समन्वय समिति, महिला उद्यमी परिचालन उप–समिति संयोजक लगायतका समितिमा बसेर महत्वपुर्ण योगदान दिंदै आएका छन ।
व्यवसायीहरुको समस्यालाई बुझेर व्यवसायीको हक हितका लागी काम गर्ने, बेरोजगारलाई स्वरोजगार तथा व्यवसायी बनाउने, विभिन्न संघ संस्थाहरुसँग समन्वय गरेर संघलाई मजबुत बनाउन पहल गर्ने प्रतिवद्धता सहित महासचिव पदमा उम्मेद्वारी दिएको श्रेष्ठले वताएकी छिन ।
‘कोरोना महामारीका कारण व्यवसायीहरु मर्कामा परेको वताउँदै आफु नेतृत्व तहमा पुगेपछि स्थानीय तथा प्रदेश सरकारसँग समन्वय गरी व्यवसायीका समस्या समाधान गर्न पहल गर्नेछु’ –श्रेष्ठले भन्छिन ।
पोखरा –३२ मा एम डि हस्तकला उद्योग सञ्चालन गर्दै आएकी श्रेष्ठको मनिता एण्ड मिलन सपिङ्ग सेन्टर तथा मियोन ट्राभल एण्ड टुर्स व्यवसाय रहेको छ । विभिन्न सामाजिक संघ संस्थामा आबद्ध रहेकी श्रेष्ठले महासचिवको पदमा उपेन्द्रराज सुवेदी (राजु) सँग प्रतिष्पर्धा गर्नुपर्ने भएको छ ।
संघको २५ औं साधारण सभा तथा १३ औं महाधिवेशन यहि भदौ १८ र १९ गते हुने तालिका सार्वजनिक भएको छ ।
Discussion about this post