लेखनाथ, १० भदौ ।
लेखनाथ जेसिजले आफ्नो सप्ताहव्यापी कार्यक्रम अन्र्तगत बिहिबार खाद्यान्न तथा स्टेशनरी सामग्री वितरण गरेको छ । क्लवले पोखरा १४ चाउथेमा रहेको ‘सनसाईन होम नेपाल’ मा आश्रित अनाथ बालबालिकाहरुका निम्ति खाद्यान्न तथा स्टेशनरी प्रदान गरेको हो ।
खाद्यान्न तथा स्टेशनरी सहयोग हस्तान्तरण गर्दै लेखनाथ उद्योग वाणिज्य संघका नवनिर्वाचित अध्यक्ष छत्रधर आत्रेयले क्लवले गरेको कार्यको प्रशंसा गर्दै आगामी दिनहरुमा पनि यस्ता कार्यलाई निरन्तरता दिन आग्रह गरेका थिए । उनले अनाथ बालबालिकाहरुको लागी आफ्नो तर्फबाट नगद ५ हजार रुपैंया सहयोग प्रदान गरेका थिए ।
सहयोग सामग्री ग्रहण गर्दै लेखनाथ जुनियर जेसिजका सदस्य समेत रहेका ‘सनसाईन होम नेपाल’ का संरक्षक सुनिल रानाभाटले क्लवलाई धन्यवाद व्यक्त गर्दै अन्य संघसंस्थाहरुको तर्फबाट पनि सहयोगको अपेक्षा रहेको वताएका थिए ।
कार्यक्रममा सप्ताहव्यापी कार्यक्रमका मुल संयोजक कृष्ण तिवारीले कार्यक्रमको उद्धेश्यमाथी प्रकाश पारेका थिए भने लेखनाथका जेसीजका पुर्व अध्यक्ष सन्दिप ढुंगाना, मातृशाखा पोखरा जेसीजका अध्यक्ष किरण केसीले शुभकामना मन्तव्य व्यक्त गरेका थिए ।
क्लवका अध्यक्ष नवराज पौडेलको सभापतित्वमा सम्पन्न कार्यक्रममा कार्यक्रमका संयोजक प्रकाश राईभाटले स्वागत गरेका थिए भने कार्यक्रमको सञ्चालन महासचिव चन्द्रप्रकाश ढुंगानाले गरेका थिए ।
Discussion about this post