लेखनाथ – संघर्ष मानव जीवनको महत्वपूर्ण पाटो हो । संघर्ष विनाको जीवन अर्थहीन छ । नेपाली राजनितिमा पनि संघर्ष शब्दको ठुलो महत्त्व छ । आजको संघीय लोकतान्त्रिक गणतन्त्र नेपाल थुप्रै वीर योद्धाहरुको संघर्ष बलिदान त्यागको प्रतिमुर्ति हो । राणाकाल देखि दोस्रो जनआन्दोलन सम्म आइपुग्दा नेपालमा भएका क्रान्ति संघर्षले धेरै प्रजातान्त्रिक सेनानीहरु जन्माएको छ । यी सेनानीहरुका फुलबारीका एक नवीन फुल हुन – रामवावु भण्डारी ।
नेपाली कांग्रेस कास्कीको चर्चित नाम हो रामवावु भण्डारी । भण्डारीको राजनीतिक यात्रा २०३६ सालको विद्यार्थी आन्दोलनबाट सुरु भएको थियो । २०३६ सालको बिद्यार्थी आन्दोलन, ४२ सालको सत्याग्रहमा अग्रपंक्तिमा रहि निडर रहि लड्नु भएको थियो । भण्डारीले २०४२ सालमा गिरफ्तारी दिई केही समय जिल्ला प्रहरी कार्यालय,कास्कीमा थुनामा पर्नु भयो तर एक योजना एक भिजन र निष्ठा भएको युवालाई संघर्षको बाटोले क्रान्ति छोड्नु भन्दा झन बलियो बनाएर मैदानमा उतार्छ भने झै उहाँ अझै सशक्त रुपमा राजनैतिक मैदानमा आउनु भयो ।
उहाँ सधै वि.पि का सिद्धान्त विपि पथमा रहि पन्चायती शासनको विरुद्धमा सदैव इमानदारी पुर्वक लागि रहनु भयो । जुजारु ,क्रान्तिकारि नैतिकवान अध्ययनशील रामवावु भण्डारी हामीले देखेका छौ ।२०४६ सालको जनआन्दोलनमा उहाँ घरबाटै गिरफ्तार हुनु भयो । उहाँ सोहि क्रममा करिब २ महिना कास्की कारागार रहेको विभिन्न श्रोतले उल्लेख गरेका छन् । कारागार रहँदाको पुर्जी उहाँले हालै आफ्नो सामाजिक संजालमा राख्नु भएको थियो । बिद्यार्थी कालमा पृथ्वीनारायण क्याम्पस जो नेपाल कै ठुलो क्याम्पस हो त्यँहाको ने.वि संघ इकाई सभापति रहि संगठनको मोर्चामा आबद्ध रहनु भयो । २०५१ साल फाल्गुन १४ मा भएको स्व.वि.यु निर्वाचनमा नेपाल विद्यार्थी संघको तर्फबाट सभापतिको उमेदवार हुनुभयो । विद्यार्थी राजनीति पछि उहाँ तरुण दलको राजनीतिमा होमिनु भयो र महाधिवेशन प्रतिनिधि पनि हुनु भयो । उहाँ पार्टीको हरेक तहमा रहेर जिम्मेवारी निभाउनु भयो । गुट उपगुट भन्दा पनि पार्टीको सिद्धान्त बिचारलाई ठुलो ठान्दै कार्य गर्नु भयो । उहाँ कुनै नेताको चाकडी चापलुसि नगरी निरन्तर पार्टीको जस्तो सुकै जिम्मेवारी निर्बाह गर्नु भयो ।
गुट र उपगुटले सिथिल परेको नेपाली कांग्रेस ईमान्दार र त्यागी नेता भण्डारीलाई कास्की काँग्रेसको नेतृत्व सुम्पीदा संगठनमा नयाँ उर्जा आउने भन्दै कांग्रेस कार्यकर्ताहरु भण्डारीको पक्षमा देखिएका छन् ।
चाकडीबाज र दलालीबाद मौलाईरहेको राजनीतीमा ईमान्दार र जुजारु व्यक्ति नेतृत्वमा पुग्न सजिलो नभएपनि संगठनलाई मजुबुत बनाउन भण्डारीलाई नेपाली काङ्ग्रेस कास्की सभापति बनाउनुपर्ने युवाहरुको धारणा छ | कुनै गुटमा नरहेका र नीरन्तर राजनीतीमा रहेका भण्डारी नेतृत्वमा पुग्दा आस्थाको राजनीतीको सम्मान हुने युवा नेताहरुको बुझाई छ ।
Discussion about this post