खास्टेतालमा महोत्सव हुने

लेखनाथ, ४ चैत्र ।
आन्तरिक पर्यटन प्रवद्धनमा सहयोग पुग्ने गरि खास्टे तथा न्यूरेनीताल किराना खरानेफाँटमा यही चैत्र १२ देखी २२ गतेसम्म हुने भएको छ ।

‘खास्टेताल महोत्सवमा जाऔँ प्रकृति र संस्कृतिमा रमाऔं’ भन्ने मुल नाराका साथ पोखरा–२६ को लेखनाथमा हुने प्रथम खास्टे ताल महोत्सब–२०७७ को तयारी तिव्र रुपमा अगाडी वढेको छ ।

महोत्सवको तयारीमा स्थानियवासी सक्रियताका साथ अगाडी वढेको महोत्सवका सह संयोजक शिवहरी ढुगानाले जानकारी दिएका छन् ।
खास्टे तथा न्युरेनी ताल संरक्षण समितिको अग्रसरता र राष्ट्रिय संगीतकर्मी संघ कास्कीको सहकार्यमा हुन लागेको महोत्सवलाई सफल पार्न विभिन्न ३२ वटा उपसमिति गठन गरिएको छ ।

तालको संरक्षण गर्दै आय आर्जनका लागी माछा पालन समेत गरीदै आएको खास्टे तथा न्यूरेनीतालको प्रचार प्रसारमा सहयोग पुग्ने गरी महोत्सवको आयोजना गरिएको सचिवालय ब्यवस्थापन उप समितिका संयोजक विष्णुहरि ढुगानाले जानकारी दिए ।

महोत्सवमा नेपालका चर्चित गायक, गायिकाको बेजोड प्रस्तुती समेत रहने छ भने, यस महोत्सवमा माछा तथा कृषी प्रदर्शनी लगाएतका मनोरञ्जनात्मक कार्यक्रमहरु हुने ताल संरक्षण समितिका अध्यक्ष तथा महोत्सवका मुल संयोजक हरिप्रसाद अधिकारीले जानकारी दिए ।