रामशरण नेपाली, लेखनाथ,२७ माघ । लेखनाथ वचत तथा ऋण सहकारी संस्था लिमिटेड पोखरा–२६ ले आफ्नो स्थापना दिवसको अवसरमा प्रतिक्षालय निर्माण गरेर समुदायलाई हस्तान्तरण गरेको छ । सहकारीले १३ औं स्थापना दिवस एवं १२ औं वार्षिकोत्सवको अवसर पारेर पोखरा–२६ अर्घौंमा निर्माण गरिएको प्रतिक्षालय हस्तान्तरण गरेको हो ।
सहकारीले आफ्नै लगानीमा सामाजीक दायित्व अन्र्तगत पोखरा महानगरपालिका वडा नं. २६ को कार्यालय नजिकै करिव ६० हजारको लागतमा चौतारोमा ट्रस निर्माण गरी छाना हालेर वस्ने बेञ्चहरुसहितको प्रतिक्षालय निर्माण गरेको हो ।
कार्यक्रममा बोल्दै पोखरा महानगरपालिका वडा नं. २६ का अध्यक्ष नारायणप्रसाद बरालले सहकारीहरुले सामाजीक क्षेत्रमा पनि विभिन्न कार्यहरु गर्दछन भन्ने यो उदाहरण भएको बताउँदै अव उत्पादनमुलक क्षेत्रहरुमा पनि सहकारीले लगानी गर्नुपर्ने वताएका थिए ।
वडाध्यक्ष बरालले एउटै प्रकृति भएका सहकारीहरु एक आपसमा एकिकरण हुँदा लगानीका अवसरहरु पनि वढेर जाने र सहकारीका सदस्यहरु पनि लाभान्वीत हुने वताएका थिए ।
कार्यक्रममा जिल्ला सहकारी संघका उपाध्यक्ष छवि लामिछानेले अव सहकारीहरुले आयतलाई विस्थापित हुने खालका योजना ल्याउनु पर्ने सुझाव राखेका थिए भने संस्थापक अध्यक्ष नारायणदत्त वस्ताकोटी, नयन वचत तथा ऋण सहकारी संस्थाका अध्यक्ष टिकाराम सापकोटा, क्लवहरुको तर्फबाट राईजिङ स्टार युथ क्लवका अध्यक्ष विष्णु गुरुङ लगायतले सहकारीले आय आर्जनका लागि लगानीको क्षेत्रलाई अगाडी वढाउनु पर्ने सुझाव राखेका थिए ।
उक्त अवसरमा असल सहकारी अभ्यास अन्र्तगत ईन्द्र कुमारी गुरुङ, रमेश जिसी र कमला खड्का लाई सम्मान गरिएको थियो भने डिल कुमारी भुजेल र चन्द्रगोपाल श्रेष्ठलाई संस्थाको ज्येष्ठ नागरीकको रुपमा सम्मान गरिएको थियो ।
संस्थाका अध्यक्ष खडानन्द लामिछानेको अध्यक्षतामा सम्पन्न भएको कार्यक्रममा उपाध्यक्ष हरि बहादुर जिसीले स्वागत गरेका थिए भने कार्यक्रम संयोजक शिव प्रसाद भण्डारीले कार्यक्रमको उदेश्यमाथि प्रकाश र सचिव लेखनाथ सापकोटाले कार्यक्रमको सञ्चालन गरेका थिए ।
Discussion about this post