बेलचौतारा । तनहुँको शुक्लागण्डकी नगरपालिका ५ स्थित जनकल्याण माध्यामिक विद्यालयलाई लालिगुरास युवा क्लव, बेलचौताराले स्वास्थ्य सामाग्री वितरण गरेको छ ।
शनिबार एक बार्यक्रम बिच क्लबले उक्त सामग्री विद्यालयलाई हस्तान्तरण गरेको हो । कोभिड–१९ को समयमा जोखिम न्यूनिकरणको लागि स्वास्थ्य सामागी्र विद्यालयलाई वितरण गरिएको क्लबका अध्यक्ष होम बहादुर भट्टले बताए ।
क्लबले विद्यालयलाई करिब १६ हजार बराबरको स्वास्थ्य सामग्री वितरण गरेको छ । क्लवले हजार थान मास्क, ५ लिटर स्यानिटाईजर, १ थान थर्मल गन, थर्मोमीटर लगायतका विभिन्न स्वस्थ्य सामाग्रीहरु प्रदान गरेको छ ।
विद्यालयमा विद्यार्थीहरुलाई आवश्यक पर्ने स्वास्थ्य सामाग्री प्राप्त हुदाँ यस्ता कार्यले विद्यार्थीहरुलाई सहज सिकाई गर्ने वातावरण तय भएको विद्यालय व्यवस्थापन समितिका अध्यक्ष दुर्गा कुमार श्रेष्ठले जानकारी दिए ।
स्वास्थ्य सामग्री वितरण कार्यक्रममा वडा नं. ५ का वडाध्यक्ष दिर्घ बहादुर थापा, क्लबका सदस्यहरु, शिक्षक लगायतका व्यक्तिहरु समाजसेवी व्यक्तिहरुको उपस्थिती रहेको थियो ।
Discussion about this post