हरि खरेल/दुलेगौडा । राष्ट्रिय युवा संजाल केन्द्रिय कमिटीको सहजीकरणमा गण्डकी प्रदेश स्तरीय युवा संञ्जाल गठन भएको छ । गण्डकी प्रदेशको ११ वटा जिल्ला मध्य ९ वटा जिल्लाका युवा प्रतिनिधिहरुको उपस्थितीमा संञ्जालको गठन भएको गण्डकी प्रदेश स्तरीय युवा संञ्जालकी कोषध्यक्ष एवम् तनहुँ जिल्ला प्रतिनिधी स्मृति अधिकारीले बताईन् ।
संञ्जालको अध्यक्षमा स्याङ्जा जिल्लाको सफल पौडेल रहेका छन् । यसै गरी उपाध्यक्षमा म्याग्दी जिल्लाका उदय बहादुर दर्जी, सचीवमा कास्की जिल्लाको दिपा आचार्य, कोषाध्यक्षमा तनहुँ जिल्लाको स्मृति अधिकारी, सहसचिवमा मुस्ताङ जिल्लाको अशोक थकाली रहेका छन् । सथै सदस्यहरुमा खिमानन्द देवकोटा (नवलपुर ), मदन शर्मा (पर्बत), प्रताप ढकाल (गोरखा) र सरोज गुरुङ (लमजुङं) रहेका छन् । ९ ओटा जिल्ला मध्य बाग्लुङ र मनाङबाट संजाल को पहिलो बैठकले २ जना सदस्य मनोनीत गर्ने प्रदेश स्तरीय युवा संञ्जालले जनाएको छ ।
यस संञ्जालले दिगो विकास र वातावरण संरक्षण संम्बन्धी क्षेत्रमा काम गर्ने छ । १३ सदस्य भएको यस संञ्जाल विशेष गरि युवाहरुको क्षेत्रमा काम गर्ने छ ।
राष्ट्रिय युवा संजालका केन्द्रिय अध्यक्ष अमृत देवकोटा लगायत पवन खरेल र रन्जन पौडेलले संञ्जाल गठन गर्न सहजिकरणको भुमिका निर्वाह गरेका थिए ।
Discussion about this post