हरि खरेल/ दुलेगौडा । तनहुँको शुक्लागण्डकी नगरपालिकाले बाँझो रहेका जमिनमा खेति गर्ने कृषकहरुलाई अनुदान उपलब्ध गराउने भएको छ । उर्वरभूमिहरु बाँझिदै जान थालेपनि नगरपालिको यस्ता जमिनहरुको उपयोगलाई बढाउन अनुदानको ब्यवस्था गरेको हो ।
बाँझो जमिनमा खेति गर्नेहरुलाई अनुदान दिने गरि नगरपालिका स्तरमा निर्णय भएको कृषि शाखा प्रमुख नवराज पण्डितले जानकारी दिए । पण्डितले बाँझो जमिनको कृषि गर्ने किसानहरुले प्रतिरोपनी ६ हजारका दरले अनुदान पाउने बताउनुभयो ।
उनले बेरोजगार युवा र बैदेशिक रोजगारबाट फर्किएकाहरुलाई कृषिमा आकर्षित गर्न नगरको निर्णय प्रभावकारी हुने विस्वास ब्यक्त गरे । नगरपालिकाका स्रोतले गत मंसिर २६ गते निर्णय भएको जानकारी दिदै हालसम्म १२ कृषकले ५८ रोपनी जग्गामा खेति गर्ने गरि अनुदानका लागि निवेदन पेश गरेको जनाएको छ ।
नगरपालिकाका वडाहरु ९, ६, २, १ र ११ का किसानहरु कृषि पेशा गर्न निवेदन बुझाएको कृषि शाखा शुक्लागण्डकी नगरपालिकाले जनाएको छ ।
Discussion about this post