हरि खरेल, दुलेगौडा । लामो समय देखि शिक्षण पेशामा आवद्ध रहनुभएका एकनारायण भण्डारीको उपन्यास “निरुत्तर”को शनिबार विमोचन गरिएको छ । शिक्षण पेशासँगै साहित्यको क्षेत्रमा सक्रिय रहनुभएका भण्डारीले एक कार्यक्रम गरि आफ्नो पहिलो कृतिको रुपमा रहेको उपन्यास विमोचन गराएका हुन् ।
बाराही साहित्य प्रतिष्ठिान तनहुँले आयोजना गरेको कार्यक्रममा विमोचित उपन्यास शुक्लागण्डकी नगरपालिका क्षेत्रकै पहिलो उपन्यास भएको यहाँका साहित्यकारले बताएका छन् ।
लेखक भण्डारीले लामो समयसम्म भएको लकडाउनको सदुपयोग गरि साहित्य क्षेत्रमा कलम चलाएर उपन्यास सिर्जना भएको बताउनुभयो । सुरुमा भण्डारीले आफ्ना रचना फेसबुकमा मार्फत प्रस्तुत गर्नुभएको थियो । उक्त रचना पश्चात धेरै व्यक्तिहरुले सकारात्मक प्रतिक्रिया दिन थालेसंगैं रचना गर्न थप हौसला मिलेको भण्डारीले बताउनुभयो । त्यसपछि क्रमश समसामयिक घटनालाई विभिन्न पात्र मार्फत प्रस्तुत गर्न थालेको जानकारी दिनुभयो ।
“साहित्य क्षेत्रमा लाग्नु अघि म नेपाली शिक्षक, धेरै कुरा मेरो मस्तिष्कमा छ, म त संसार जानेको छु भन्ने थोरै अहम चाहि म मा थियो ।” भण्डारीले भन्नुभयो, “जब लेख्न थाले, ति शब्दहरु खेलाउन थाले पछि पढाएका शब्दहरु बाहेक अरु त मेरो मस्तिस्कमा आएन ।”
भण्डारीले लेखेका लेख रचनाहरुको पहिलो पाठकका रुपमा पञ्चमुनि देव मा.विका शिक्षिका टुकादेवी आचार्य पौडेल र शान्तकुमार श्रेष्ठ रहेको उहाँले बताउनुभयो । “निरुत्तर” उपन्यास रचना गर्न सहयोग पु¥याउने मार्गदर्शकाको रुपमा दुई शिक्षकहरु रहेको उहाँले बताउनुभयो ।
कार्यक्रममा निरुत्तर उपन्यासको समिक्षकको रुपमा मिलन समिर रहन्भएको थियो । उहाँले उपन्यास आफैमा उत्कृष्ट रहेता पनि केही ठाँउमा पात्र भन्दा लेखक नै हाबि भएको बताउनुभयो । भण्डारीले कृति रचना गर्ने क्रममा समाजमा घट्ने क्रमलाई जस्ताको त्यस्तै उतार्छु भन्ने मनमा लिएका थिए । उतार्दा उतार्दै पनि घटना क्रममा आफु बाँधिएको कारण पात्रहरुको ठाउँमा लेखक लै हाबि हुनुपरेको भण्डारीले बताउनुभयो ।
बाराही साहित्य प्रतिष्ठान तनहुँका अध्यक्ष ठाकुरप्रसाद बाग्ले साथै शेषमणि आचार्य, अजित क्षेत्री, धु्रवकुमार मल्ल लगायत विभिन्न साहित्य क्षेत्रका व्यक्ति, शिक्षक तथा समाजसेवी व्यक्तिहरुले पहिलो रचना नै उत्कृष्ट रहेको भन्दै आगामी दिनहरुमा थप रचनाका लागि अगाडी बढ्न प्ररित गरेका थिए ।
Discussion about this post