तनहुँ खबर संबादाता
कार्तिक २४, दमैली
विगत केही समय यता तनहुँमा चितुवाको आतङ्कले स्थानियहरु त्रासित बनेका छन् । उक्त समूयालाई मध्यनजर गदै डिभिजन वन कार्यालय तनहुँले चितुवा प्रभावित क्षेत्रमा क्यामरा जडान कार्य सुरु गरेको छ ।
भानु नगरपालिकामा चितुवाले बारम्बार घरछेउमै आएर गोठमा बाँधिराखेको पशुहरुलाई आक्रमण गर्न थालेपछि स्थानीयवासी त्रसित भएपछि नगरपालिकाको विभिन्न सामुदायिक वनमा चितुवा गणनाका लागि क्यामरा जडान शुरु गरिएको हो ।
डिभिजन वन कार्यालय कास्कीका प्रमुख केदार बरालको नेतृत्वमा भानुका विभिन्न वडाका सामुदायिक वनमा चितुवा र चितुवाका आहारा प्रजातिको गणनाका लागि क्यामरा जडान शुरु गरिएको छ । भानु नगरपालिका(२ स्थित मजुवा ओख्ले सामुदायिक वन र भानु(४ स्थित खलातेडाँडा सामुदायिक वनमा दुइरदुइ क्यामरा जडान गरिएको बरालले जानकारी दिनुभयो ।
बरालका अनुसार भानुका वडा नं १, २, ३, ४, ५ र ६ का २२ सामुदायिक वनमा चितुवा र चितुवाका आहारा प्रजातिको गणनाका लागि क्यामरा जडान गरिनेछ । चितुवाको सबैभन्दा बढी प्रभाव रहेको भानुमा मानव वन्यजन्तु द्वन्द्व व्यवस्थापन गर्नका लागि चितुवा गणना गर्न लागिएको हो ।
चितुवा बढी र आहारा कम भएका कारण चितुवाले मानव बस्तीमा पसेर मानवमाथि आक्रमण गरेको हुन सक्ने निष्कर्ष सहित चितुवा गणनाका लागि काम शुरु गरेका छौ’, बरालले बताउनुभयो ।
पछिल्लो दुइ वर्षो अवधिमा भानु नगरपालिकाका भित्र मात्र सात बालबालिकाले चितुवाको आक्रमणबाट ज्यान गुमाएका छन् । चितुवाले खाने आहारा जङ्गलमा घटेकाले चितुवा र आहारा प्रजातिको गणनाले चितुवाको आहारा व्यवस्थापन गर्न सहज हुने बरालले बताए ।
बरालका अनुसार २२ सामुदायिक वनको चार हजार दुइ सय हेक्टर क्षेत्रफलमा चितुवा र चितुवाको आहारा प्रजातिको गणना गरिनेछ । त्यसका लागि ती सामुदायिक वनमा ३६ वटा विन्दु पहिचान गरिएको छ । ‘चितुवा हिँड्न सक्ने ठाउँ पहिचान गरी ती विन्दुमा ६५ क्यामरा जडान गरिनेछ, पाँच दिनमा सबै ठाउँमा क्यामरा जडान गरिसक्छौ’, बरालले बताउनुभयो । वनका रखिएका क्यामराको अगाडी आउने सबै चिजको तस्विर क्यामरामा कैद हुनेछ ।
क्यामरा निकै महङ्गो पर्ने भएकाले यसको सुरक्षा सम्बन्धित सामुदायिक वनले गर्नुपर्ने र त्यसका लागि सबै सहमत भएका छन् । वन्यजन्तुको वासस्थान, खानपिन, विचरण लगायतका क्षेत्र मानिसले खलबलाउने कार्य बढ्दै गएकाले पछिल्लो समय तनहुँमा मानव र वन्यजन्तु बीच द्वन्द्व बढेको छ । द्वन्द्वका कारण ठूलो मात्रमा जनधनको क्षति समेत भएको छ
Discussion about this post